افغان کوچلری تینچلیک مسوولیت آلیشیگه تیار

افغانستان حکومتی اوشبو مملکت تینچلیک نی سقله ش مسوولیتی نی آلیشی گه تیار دیب ایته دی.

عین حالده مملکت رسمی لری ، خارجی کوچلر افغانستان شرایط گه ماس چیقیب کیتیشلری ضرورلیگینی تاکیدله گن.

امریکا جمهورریسی باراک اوباما، میلادی2011 ییلگه امریکا کوچلری نینگ افغانستاندن چیقییشلری باشله نیشینی اعلان قیلگن ایدی . بو حالتده قرگنده ناتو تشکیلاتی هم 2011 نچی ییلگه تینچلیک مسوولیتی نی افغان لرگه تاپشیریش ریجه سی خصوصیده لیسبون کنفرانسی گه گپلشه دی.

امریکا قوشمه ایالت لری نینگ جمهور رییسی باراک اوبا افغانستانده گی کوچلری نی 2011 نچی ییل نینگ جولای گه اوشبو مملکت دن چیقیش لری باشلنیشی نی اعلان قیلیشی دن کیین ، افغانستان کیله جگی اوچون، جهان بوییجه فکر و ملاحظه لر یوزه گه چیقدی.

هرچند بیرقنچه خارجی مسوول کیشی لر ، خارجی کوچلر نینگ افغانستاندن چیقیی ریجه سی باشله نیشی نی تنقید آستیگه آلیب اوشبو مسئله طالبان گروهی و القاعده ترماغی نینگ کوچلنتیریشی گه سبب بوله دیب ادعا قیلدیلر اما افغانستان حکومتی ایسه امریکا نینگ اوشبو تصمیمی نی ، اوشبو مملکت نینگ ملی حاکمیتی کوچلی بولیشیگه سبب بوله دیب اعلان قیلماقده.

جمهور رییس کرزی نینگ سوز چیسی وحید عمر، افغانستان حکومتی مسوولیت لرنینگ آلیشی گه تیارگرلیک بارلیگی نی اوستیگه تاکید قیله دی.

"بیز افغانستان دولتی حاکمیتی نینگ کوچلنیریشی و مسوولیت آلیشی اوچون ، هرقنده ی امکانیت دن فایده لنه میز. البته اوشبو فرصت لر هر قچان بولسه خواه ییرته بولسه ، خواه جنوری آییگه بولسه ویا هم آلتی آیی دن کیین بیز مسوولیت آلیش گه تیار میز. اما انیق بیر تاریخ نی تاسف بیلن اوشبو مسئله اوچون اعلان قیله آلمه یمیز."

افغانستان دولتی ، خارجی کوچلر افغانستان شرایط گه ماس چیقیب کیتیشلری ضرورلیگیگه تاکید لنه ریکن ، اما باشقه تماندن کابل خلق آرا انجمنی نینگ آچیلیشیده افغانستان جمهور رئیسی حامد کرزی 2014 نچی ییلیگه قدر مملکت نینگ خوف سیزلیک مسئولیتنی قبول قیلیب آلیشینی وعده بیرگن ایدی.

اوشبو مسئله نی کابل خلق ارا یغینیده اشتراک قیلگن لری هم قبول قیلگن ایدی لر.

بو حالتده قرگنده ، افغانستان کوچلری 2011 نچی ییلیگه چه تینچلیک نی سقله شی اوچون تیار گرلیگی بار می؟

افغانستان مدافعه وزیرلیگی نینگ سوز چیسی جنرال ظاهر عظیمی ، افغانستان ملی کوچلری حاضر گی پیتده روانی جهتی دن و ظرفیت لحاظیدن تینچلیک مسوولیت لرنینگ آلیشیگه تیار لیک لری بارلیگی نی ادعا قیله دی.

باشقه تماندن ناتو تشکیلاتی نینگ باش کاتبی اندریس فوگ راسموسن هم ، تینچلیک مسئولیت لرینی افغانلر گه تاپشریش جریانی نینگ تقویم اساسیده ایمس ، بلکه اوشبو مسئله نی وضعیت گه قره ب عملی قیلیشینی ایتگن ایدی.

اما امریکا رسمیلری بو اولکه افغانستان دن کوچلری نینگ چیقریش ریجه سی باشلنیشی نی افغانستان بیلن همکارلیکلری نینگ نهایه سی دیگنی ایمس دیب ، بلکه امریکا نینگ حربی وعده لرینی ، حربی سیز بولیمیده کوز قره تیشی نی ایتگن لر.