تینچلیک عالی کینگاش نینگ بیرینچی جلسه سی

طالبلر بیلن مذاکره آلیب باریش اوچون قوریلگن تینچلیک عالی کینگاشی بوگون رسمی شکلده بیر جلسه یولگه قویدی.

اوشبو جلسه ده کینگاش اعضا لری نینگ ایچکی وظیفه لری توزه لیشی اوچون بیر کمیته توزه تیلگن.

معلومات لرگه کوره ، اوشبو کمیته کیله سی یکشنبه گه چه افغانستان خلقی نینگ نظرلریدن فایده لنیب اوشبو کینگاش نینگ ایچکی وظیفه لرینی انیقلیدی.

بوندن بیر نیچه کون مقدم برهان الدین ربانی تینچلیک عالی کینگاشی نینگ رییسی صفتیده معلوم بولگنی دن کیین بو کینگاش بیرینچی رسمی جلسه سی نی یولگه قویگن.

عالی تینچلیک قوریلتای 68 اعضادن عبارت بولیب، سابق جهادی رهبرلر، ایریم قوم باشیلغ لری، طالبان گروهی نینگ بعضی بیر سابق اعضالری اوشبو کینگاش نینگ اعضاسی صفتیده تانشتریلگن، شونگه قوشیمچه سککیز عیال وبیرقنچه مدنی جمعیت قوریلمه وکیللری هم اوشبو کنیگاش اعضاسینی تشکیل بیره دی.

عالتی تینچلیک قوریلتای نینگ تشکیل ایتیلیشی بیلن مخالف وطالبلر گروهی بیلن مذاکره الیب باریش اوچون ریجه لنه دیگن برچه یول یوروق لر اوشبو کینگاش تمانیدن یولگه قویلیشی کوتیله دی.

عین حالده بوگون نورستان ولایتی نینگ بیر قنچه قوم اولوغ لری ، دینی عالم لر و بیرقنچه ولایتی شورا نینگ اعضا لری بیلن قوشیمچه ، اوشبو ولایت گه تینچلیک نی برقرار قیلیشی و مخالف لر بیلن مذاکره قیلیش مقصدیده ، محلی تینچلیک کینگاشی توزیلدی.

نورستان ولایتی تمانیدن ترقه تیلگن بیاناتگه کوره ، نورستان تینچلیک شورا سی نینگ قرقی اعضا سیده بولیب مخالف گروه لر بیلن مذاکره قیلیش و اولر نینگ تینچلیک جریانی گه دعوت قیلیش ایش لری ضمه سیگه دیر.

هر چند افغانستان حکومتی اوتگن نیچه ییل جریانیده تورلی شکلده طالبان و قوراللی مخالف گروه لر بیلن مذاکره قیلیش و اولر نینگ تینچلیک جریانیده دعوت ایتیش ریجه لرینی یولگه قویماقده اما شونده ی بولسه هم

طالبلر ، حکومت نینگ هر بیر اقدامیگه قرشی جواب بیریب، دولت بیلن مذاکره قیلیشی اوچون ، افغانستانده گی خارجی کوچلر نینگ مملکت دن بوتونلی چیقیب کیتیش لری نی شرط قویگن لر.