صابون بیلن قول یویشنی رواجلنتریش

افغانستان دولتی بیر قطار خلقرا بیرلشمه لریاردمی بیلن اوشبو دولت ایچیده صابون بیلن قول یویشنی رواجلنتیریش اوچون عامه آره سیده کینگ بیر کمپایننی یولگه قویماقچی.

بیرلشگن ملتلر تشکیلاتی نینگ باله لرنی حمایه لش جمغرمه سی گه کوره هرییلی قریب یتمیش مینگ باله ایچ کیتمه کسللیگی باعث هلاک بوله دی صابون بیلن قول یویش دستوری نی رواجلنتریش بیلن بو رقمنی ایگرمه دن قرق فایزگه چه کمیتریش ممکن.

افغانستان عامه ساغلیک وزیرلیگی ،معارف وزیرلیگی همده قشلاق لرنی رواجلنتریش وزیرلیگی و بیرلشگن ملتلر تشکیلاتی نینگ باله لرنی حمایه قیلیش جمغرمه سی همکارلیگی بیلن اهالی گه بوخصوصده اگاهلیک بیریش اوچون مخصوص برنامه لر نی یولگه قویه دی.

اوشبو برنامه لرنی یولگه قویش اوچون مکتب اوقوچیلریدن فایده لنه دی عینی حالده بوبرنامه لرده یونسف هم همکارلیک قیلیشی ایتیلگن.

عامه ساغلیک مسووللریگه کوره قوللرنی یویش کونلیک عادی بیرعمل بولییشگه قره می بیرقطار خوف لیک کسللیک لردن سقلشگه یاردم بیره دی .

افغانستان دولتی وبیرقطار خلق ارا بیرلشمه لر یاردمی بیلن خلق ارا قول یویش کونی مناسبتی بیلن کینگ بیر کمپاینی اوشبو اولکه ده یولگه قویماقچی.

بوبرنامه لرنی یولگه قوییش اوچون نه فقط عامه ساغلیک وزیرلیگی بلکه قشلاق لرنی رواجلنتریش وزیرلیگی قوشیمچه بیرلشگن ملتلر تشکیلاتی هم یاردم بیره دی ، بوبرنامه نی یولگه قوییش اوچون مکتب اوقوچیلردن فایده له نیلیشی ایتیلماقده.

بیرلشگن ملتلر تشکیلاتی نینگ باله لردن حمایه قیلیش جمغرمه سیگه کوره هرییلی یتمیش مینگه یقین بیش یاش استی افغان باله لری ایچ کیتمه کسللیک لریگه چلنیب اوز جانلرینی قولدن بیره دیلر.

افغانستانده کی یونسف جمغرمه سی نینگ سوزچیسی عزیز فروتن گه کوره باله لر و انه لر اولیمی نینگ سانینی کمیتریش اوچون عامه نینگ اگاه لیگینی کوتاریش کیره ک بونینگ اوچون قولنی صابون بیلن یویش یوللری اون مینگه یقین مکتب اوقوچیلریگه کورسه تیلیب بیریله دی.

فروتن جنابلریگه کوره بو برنامه یولگه قویلیشی بیلن مکتب اقوچیلرنینگ اگاه لیگی کوتاریله دی و بیرقطار کسللیک لردن سقلنیش لریگه یاردم بیره دی

مقام لربوندی برنامه لرنی یولگه قویلیشدن خبربیررایکن، اما افغانستانده ایریم مکتب لربارکی اولرده تازه ایچیم لیک سوو همده تازه حاجت خانه لر یوق لیگی اساسی معما بولیب کیلماقده

شوندی ایکن افغانستان معارف وزیرلیگی نینگ سوزچیسی گل آغا احمدی قوللرنی صابون بیلن یویش برنامه سینی مکتبلرگه رواجلنتریش بیلن بیرگه لیکده تازه ایچیم لیک سوو همده تازه حاجت خانه لرتامین له نیشینی ایتدی

حاضرگی کونده افغانستان بویلب 12600 دولتی مکتب موجود بولیب اولرده یتتی میلیون اوقوچیلر بیلم آلیب کیلماقده. بو مکتب لرنینگ تورتدن بیرقسمی تازه ایچیم لیک سوو همده صحی حاجت خانه لرگه ایگه ایمس.

بومکتب لردن کوپ قسمی افغانستان نینگ چیککه منطقه لریده جایلشگن بولیب حتی کی بینا لرگه ایگه بولمه گن مکتب لر هم موجود دیر.

لیکن ایریم ایش بیلرمان لرگه کوره اگر افغانستان اهالی سی گه حفظ الصحه همده کسل لیک لر گه قرشی ایترلی آگاه لیک بیرلمسه ایچ کیتمه کسل لیگی کینگ ترقه لیب جدی معما لر نی آلیب کیله دی .