بلخ ولایتده بیر کیشی سویدنلیک عسکرهلاک بولدی

Image caption یول کناریده اورنه تیلگن بمب لر افغانستان ده گی کوچلر اوچون ییرک خوف توغدرماقده.

افغانستان شمالیده گی بلخ ولایتده جایلشگن پی ار تی کوچلرینی معلوم قیلیشچه، یول یانیده اورنه تیلگن ماین نینگ پارتله شی عاقبتیده بیر کیشی سویدن لیک عسکر هلاک بولگن وینه بیر سویدن لیک ایسه یره لنگن.

شوننیگ دیک افغانستان شرقیده هم بیر کیشی ناتو حربی خذمت چیلریدن هلاک بولگن اما هلاک بولگن عسکرنینگ قیردن ایکن لیگی ایتلمه گن.

مزار شریف ده جایلشگن پی ار تی کوچلری تمانیدن نشر ایتلگن خبرنامه گه کوره، اوشبو حادثه کیچه کیچقرون بلخ ولایتی نینگ چمتال ولسوالیگده یوز بیرگن.

سویدندلیک حربی لر تمانیدن باشقریله یاتگان پی ار تی خبرنامه سیده ذکر ایتلیشچه، سویدن لیک حربیلر کاروانی چمتال ولسوالیگده گیزمه عملیاتی اوتکزه یاتگان پیت کاروان یول یانیده اورنه تیلگن ماینگه دوچ کیلگن.

نتیچه ده ایسه بیر کیشی سویدن لیک حربی هلاک بولگن و ینه بیر حربی ایسه یره لنگن.

سویدن لیک 500 دن آرتیق راق حربیلر پی آر تی یا ولایتی قیته قوریش گروهی دایره سیده بلخ ولایتده فعالیت آلیب باره دی.

اوزینی طالب لر سوزچی سی دیب تانیشتره یاتگان ذبیح الله مجاهد ایسه مطبوعات بیلن صحبتده اوشبو هجوم مسولیت نی اوز بوینیگه آلگن ،ذبیح الله مجاهد، یول یانیده اورنه تیلگن ماین نینگ پارتله شی عاقبتیده کوپلب خارجی حربیلر هلاک بولگن لیگی نی ادعا ایتگن.

افغانستان ده گی اتفاق کوچلرینی معلوم قیلیشچه، مملکت جنوبیده بیر کیشی خارجی حربیلردن یول یانیده اورنه تیلگن ماین پارتله شی سبب لی هلاک بولگن.

ناتو اوز بیاناتیده هلاک بولگن حربی خذمت چی نینگ کیم لیگی و قیسی مملکت وطنداشی ایکن لیگی نی انیق له مه گن

شوننیگ دیک ناتو کوچلریگه کوره، افغانستان جنوب شرقیده گی خوست ولایتده عصیانچیلرگه قرشی قره تیلگن هوایی هجوم نتیجه سیده بیش کیشیدن آرتیق راق عصیانچیلر اولدرگن.

اتفاق کوچلرینی معلوم قیلیشچه هوایی هجوم نتیجه سیده هادی اهالیگه ضرر یتمه گن.

عینی دمده مملکت شمال شرقیده گی تخار ولایتی نینگ خواجه بهاوالدین ولسوالیگیده طالبان عصیانکارلریگه قرشی ییرم حربی عملیات یولگه قوییلگن.

ملی اوردو، پلیس و چیگره کوچلری تمانیدن یولگه قوییلگن حربی عملیاتی نتیجه سیده بیر نفرطالبان قوماندان نی هم هلاک بولگن.

خبرلرگه کوره عملیات لرده اوچ نفر طالب هم یره لنگن.