بغلانده 18 نفرطالب اولدرلگن

Image caption هوایی هجوم بغلان ولایتی نینگ دندغوری منطقه سیده عملگه اشیرلگن

افغانستان شمالیده گی بغلان ولایتی رسمیلریگه کوره، اوشبو ولایت نینگ دند غوری ولسوالیگده طالب لرگه قرشی قره تیلگن هو ایی هجوم نتیجه سیده کمیده 18 قوراللی طالب اولدرلگن.

بغلان ولایتی پولیسی نینگ امنیت آمری ، سید زمان الدین حسینی گه کوره، دند غوری ولسوالیگده گی طالب لر جایشلگن منطقه کیچه کیچقرون بمباردمان ایتلگن ، هلاک بولگن عصیانچیلر آره سیده طالبلرنی اوچ کیشی طالب لرنی یوقاری مرتبه لی قوماندانلری هم بارلیگی ایتلماقته.

بغلان ولایتی خوف سیزلیک مسوللریگه کوره، دند غوری ولسوالیگده طالب لر جایلشگن منگلها، لوگری ها ، منگکی وچمزی قشلاقلری آلتی ساعت ناتو هوا کوچلری تمانیدن بمباردمان ایتلگن.

هلمند ده 8 قورقچی هلاک بولگن

افغانستان جنوبیده گی هلمند ولایتده ایسه، قوراللی طالبلرنی بیر خوف سیزلیک شرکتی قورقچیلریگه قرشی اویشترگن هجوملریده 8 کیشی قورقچی هلاک بولیشگن.

هلمند والی سی نینگ سوزچی سی داود احمدیگه کوره، اوشبو حادثه لشکرگاه و سنگین شهرلری آره سیده گی یولده یوز بیرگن. اوشبو حادثه ده 3 قورق چی هم یره لنگن.

اوزینی طالب لر سوزچی سی دیب تانیتشره یاتگان قاری یوسف احمدی ایسه، طالب لر پولیس پوسته سیگه هجوم اویشترب 14 کیشی پولیس نی اوزلری بیلن آلیب کیتیشگن لیگی نی ادعا ایتگن.

عادی اهالی دن تلفات

Image caption هرات ولایتده روی بیرگن پارتلشده عادی اهالی هلاک بولگن

افغانستان غربیده گی هرات ولایتده ایسه، یول یانیده اورنه تیلگن بیر ماین نینگ پارتله شی عاقبتیده اوچ کیشی عادی اهالیدن هلاک بولیشگن و بیر پولیس داخل سکیز کیشی ایسه یره لنگن.

هرات ولایتی پولیسی نینگ سوزچی سی نورخان نیکزاد گه کوره، پارتلش هرات و اسلام قلعه شاه یولیده جایلشگن جبریل منطقه سیده یوز بیرگن.

هرات ولایتی کسل خانه سی نینگ مسوللری یره لنگن شخص لرنینگ ایرملرینی ساغلیک احوالی خواطیرلی ایکن لیگی نی اورغولشماقته.

افغانستانده گی اتفاق کوچلرینی معلوم قیلیشچه، اوشبو کوچلرنینگ قندهار ولایتده گی قماق خانه لریده سقلنه یاتگان بیر کیشی محبوس نامعلوم شکلده وفات ایتگن.

اتفاق کوچلری تمانیدن چیقاریلگن خبرنامه گه کوره، اوشبو حادثه کونی کیچه قندهار ولایتده یوز بیرگن.

ناتو کوچلری اوشبو محبوس نینگ هلاک بولیشی سبب لرینی اورگنه یاتگان لیک لرینی اورغولشماقته.

طالبان دولت صفیگه قوشیلگن

افغانستان شمالیده گی قندوز ولایتی رسمیلریگه کوره، اوشبو ولایت نینگ چهار دره ولسوالیگده 20 کیشی قوراللی طالب لر دولت صفیگه قوشیلشگن.

چهار دره ولسوالیگی حاکمی عبدالواحد عمر خیل گه کوره، بو سانده گی طالب لر ، طالب لرنینگ چهار دره ولسوالیگده گی یوقاری مرتبه لی قوماندانلریدن سنلمیش ملا ضیا بیلن بیرگه دولت تمانیگه اوتگن.

قندوز ولایتی پولیسگه کوره، 20 کیشی طالب لر اوز قورال اسلحه لری بیلن دولت گه تسلیم بولیشگن.