"طالبانگه سیاسی و اقتصادی امتیاز بیرله دی"

Image caption تینچ لیک کینگاشی سعودی عربستان دن دولتی دن طالبان بیلن مذاکره لرنینگ یولگه قوییلشی اوچون یاردم سوره گن .

افغانستان تینچ لیک عالی کینگاشیگه کوره اوشبو کینگاش تمانیدن ینگی کورستمه ایجاد ایتیلگن بو کورستمه عملی بولیشی بیلن قورال لی دولت مخالف لری بیلن صحبت قیلیش یولگه قوییله دی .

تینچ لیک عالی کینگاشی نینگ اوچ اورین باسری بولیب کینگاش اعضالری 6 کمیته گه بولینه دی اونده گی بیر کمیته نینگ وظیفه سی بولسه دولت مخالف لری بیلن علاقه مسولیتی نی تامین لش دیر .

اوشبو کینگاش مقام لری، طالب لر همده دولت مخالف لری بیلن صحبت لشیش یوزه سیدن بیر نتیجه گه کیلگن لیک لرینی ایتدی لر لیکن بو صحبت لر خصوصیده آرتیق معلومات بیریشدن باش تارت گن .

تینچ لیک عالی کینگاشی توزیلیشیدن بیر هفته دن کوپراق وقت اوتماقده. کینگاش باشچیلیگی برهان الدین ربانی نینگ ضمه سیده دیر.

اوشبو کینگاش سوزچیسی قیام الدین کشاف گه کوره تینچلیک عالی کینگاشی نینگ اوچ اورین باسری بولیب بو معاون لر عبدالحکیم مجاهد ، عطا الله لودین اسد الله وفا دیر

کشاف جناب لریگه کوره امین الدین مظفری اوشبو کینگاش نینگ کتابتچیسی دیر.

تینچ لیک عالی کینگاش تمانیدن توزیلگن ینگی کورستمه گه کوره 70 کیشیدن عبارت بولگن اوشبو کینگاش نینگ اعضا لری 6 کمیته گه بولینگن. بو کمیته لر دن بیری بولسه دولت مخالف لری بیلن علاقه لر نینگ مسولیتی نی تامین لشدیر.

کشاف جناب لری بیرلشگن ملت لر تشکیلاتی ، خلقرا حربی کوچلر ، افغانستان بیلن قوشنی مملکت لر اینیقسه سعودی عربستان دن تینچ لیک مسله سی همده طالب لر بیلن مذاکره قیلیشده افغانستان دولتی بیلن عملی روشده همکارلیک قیلیش لرینی سوره دی .

"دنیا هم جمیعتی کابل کنفرانسیده تینچلیک پروسه سی دن حمایت قیلیشینی اعلام ایتگن ایدی.عالی تینچلیک کینگاشی بولسه بو حمایت نی عملی شکلده کوریشینی ایستیدی .افغانستانگه تینچلیک نی کیلتیریش مسلمان دولت لری نینگ دینی مسولیتی دیر.بو کینگاش اسلامی مملکت لر دن اینقسه اسلامی کنفرانس همده سعودی عربستان پادشاه سیدن افغانستانگه تینچ لیک آلیب کیلشیده یاردم سوریدی اولر معنوی کوچ لریدن فایده لنیب افغانستان بیلن اورشیب کیله یاتگن تمان لر مذاکره گه تیار بولیب اوریشدن قول تارتیش لرینی سوره سین" دیب ایتدی قیام الدین کشاف.

کشاف جناب لری افغانستانده اورشیب کیله یاتگن برچه تمان لر اوریش آرقه لی غلبه قیله آلمس لیک لرینی ایتدی همده طالب لر دن اوشبو کینگاش آرقه لی اوز ایستک لرینی ایتیشنی سوره دی. اونگه کوره مذاکره مکان نینی تعیین ایتیش و صحبتگه تیار بولگن کیشی لر نینگ خوف سیز لیک امنیتینی آلیش اوشبو کینگاش نینگ اساسی و مهم بولگن وظیفه لریدن دیر.

تینچلیک عالی کینگاشی نینگ سوز چی سی گه کوره تینچ لیک پروسه سی گه قوشیلگن بعضی طالب لر همده دولت مخالف لریگه اوی ، ایش همده معاش بیریش کبی امتیاز لر کوزده توتیلگن.