افغانستانده گی ترقیات برنامه سی تهدید آستیده

Image caption افغانستانده 52 گه یقین خصوصی خوف سیزلیک شرکت لری فعال.

بعضی خلق آرا ترقیات تشکیلاتلری افغانستاندن چیقیب کیتیشماقچی.

سببی، جمهور رئیس حامد کرزی اولرگه خصوصی امنیتی شرکتلردن فایده له نیشنی منع ایتگن.

لیکن بونینگ عاقبتده افغانستانده ریجه لنگن میلیاردلب دالرلیک لایحه لر چله قالیب کیتیشی ممکن.

حامد کرزی افغانستان ده گی خصوصی خوف سیزلیک شرکتلری نی بوتونلی یاپلیشی خصوصیده اوتگن آی قرارصادر ایتگندی.

صادر ایتلگن قرارگه کوره خصوصی امنیتی شرکت لر اورنیگه افغان پلیس و اوردو سیدن فایده لنیش کیرک.

امریکا ده چاپ ایتله یاتگن واشینگتن پوست نشریه سیگه کوره ، امریکا مالی یاردمی بیلن فعالیت قیله یاتگن ترقیات شرکتلری حله- قچان افغانستانده گی اوز پروژه لرینی توخته تیشنی باشلشگن.

بولر مثلا یول قوریش، انرژی ایشلب چیقه ریش و افغان دهقانلریگه یاردم بیریش کبی لایحه لردیر.

افغانستانده تینچلیک اورنه تیب، طالباننی اینگیش عینامملکت ده گی ترقیات دستورلریگه باغلیق.

کابلده گی امریکا ملازمی حاضرگچه توخته ب قالگن بیران لایحه دن آگاه بولمه گنینی ایتدی.

اما امنیتی شرکتلر تقدیری نامعلوم لیگی سببلی ، امریکا نینگ همکارلری افغانستانده ایندی ایشلب بولمیدی ، دیگن قرارگه کیلشماقده.

تحلیلچی لرگه کوره ، بیرمیلیارد دالرلیک لایحه لر حاضرخوف آستیده.عملگه آشیرله یاتگن لایحه لرتوخته سه ، مینگلب افغانلر ایشسیز قالیشه دی.

کوپلب ترقیات شرکتلرنینگ افغانستان دن چیقیب کیتیش ریجه سی جمهور رئیس کرزی نی قتیق باسیم آستیگه تشلیدی.

چونکی اوافغانستانده فعالیت قیله یاتگن خصوصی امنیتی شرکت لرنیگ یاپیشگه وعده بیرگن.

چونکی بو شرکت لرنینگ بعضی لری حتی طالبانگه علاقه دارلیگی اثبات لنگندی.

جناب کرزی بو شرکت لرنینگ وظیفه لری و اولرگه بیرله دیگن پوللرنی افغان پولیس و اوردو سیگه یونلترماغچین.

لیکن ترقیات تشکیلاتلریگه کوره ، افغان پولیسی و اوردو سیگه سویهنیب بولمیدی .

سببی اولر ایترلی ملهکه گه ایگه ایمس و اولرنینگ سانی هم آز.

افغانستان ایچکی ایشلروزیرلیگی حاضرگه قدر 15 دن آرتیق راق خوف سیزلیک شرکت لرنی یاپیشگه قادر بولگنینی ایتگنلر.