هرات ده گی یونما اداره سیگه خودکش هجومی

Image caption هراتده گی یونما اداره سی شهر نینگ جنوبیده جایلشگن.

هرات ولایتی حاکمی داود صباگه کوره تورت نفردولت مخالفلری هرات ده گی بیرلشگن مللت لر تشکیلاتی نینگ نماینده لیگی یا یونما اداره سینی هجوم آستیگه آلگن.

اوشبو هجوم 1 ینچی عقرب، شنبه کونی توشگه یقین پیت گه عمل گه آشگن.

اوشبو حمله دن بیر ساعت اوتگچ صبا جناب لری برچه هجوم چی لر هلاک بولگنی ،پولیس و یونما قوروقچی لریدن ایککی نفر نینگ یره لنگنی حقده مطبوعات گه خبر بیرگن.

هرات ولایتی حاکمی گه کوره هجوم چی لر دن ایککی کیشی سی پولیس کییمی گه اوخشش کییم ینه ایککی کیشی سی ایسه عیال کییمی و برقع کییب آلگنینی ایتگن

اونگه کوره هجومچی لر نی آلیب کیلگن موتر یونما اداره سی قرشیسیده تاخته گن و اوندن اوچ نفرهجومچی توشگن، تورتینچی هجومچی ایسه پارتلاوچی ماده لر یوکلنگن موتر نی اوز شریکلریگه یولنی آچیب بیریش اوچون یونما ایشک یقینده پارتلتگن.

صبا جناب لریگه کوره قورال لنگن اوچ هجومچی پارتلش نتیجه سیده یونما دفتری حویلی سیگه کیریب آلگن لیکن یونما قورق چی لری بیلن توقنشگن و پولیس کوچ لری ایتیب کیلگونگه قدر توقنه شو دوام ایتگن .

صبا جناب لریگه کوره پلیس خادم لری ایتیب کیلگچ توقنه شو شدتی کوچیگن و 15 دقیقه دوام ایتکن.

هرات حاکمی گه کوره هجومچی لر دن بیری نینگ بدنی ده پارتلاوچی ماده لر بولیب پولیس خادملری نینگ اوقی تیگیشی نتیجه سیده پارتلش یوز بیریب هلاک بولگن.

قالگن ایککی کیشی سی هم پولیس اوق لری نتیجه سیده هلاک بولگن.

"البته کی اولر یونما دفتری ایچیگه کیریب انتحاری هجومنی یولگه قویماقچی ایدی لر. لیکن ایشک دن کیریشلر ی بیلن توقنه شو گه دوچ کیلدی لر و اوز مقصد لریگه ایتمه دی لر .پولیس کوچ لری اولر گه اوق اوزیشی بیلن پارتلاوچی ماده لر پارتلب کیتگن."دیب ایتدی ولایت حاکمی

اونگه کوره اوشبو هجوم نتیجه سیده بیر پولیس و یونما قورقچی سی جراحت آلگنی دن تشقری باشقه هیچ کیم گه ضرر ایتمه گن.

افغانستان ده گی یونما دفتری یکشنبه کونلری ایشله مسلیگی اوچون هم ایشچی لر دن کوپ چیلیگی اوز ایش جایلریده بولمه گن شو سبب لی حمله ده تلفات سانی آز بولگن.

طالب لر سوزچیسی قاری یوسف اوشبو حمله اولر گه تیگیش لی بولگن گروه آرقه لی یولگه قوییلگن لیگینی ایتگن .

اونگه کوره بو حمله بیرلشگن ملت لر تمانیدن ناتو کوچلرینینگ افغانستانده گی فعالیت لرینی چوزیلگنی باعث یولگه قوییلگن.

هرات ده گی یونما دفتری ، بیرلشگن ملت لر تشکیلاتی نینگ سیاسی دفتری بولیب اونده بیرلشگن ملت لر تشکیلاتی گه تیگشلی بولگن ینه بیر قنچه دفتر لر هم جایلشگن.

بو دفتر هرات جنوبی ده گی ه گذره ولسوال لیگی ده جایلشگن دیر.