حقانی ترماغیگه علاقه دار ایککی قوماندان هلاک ایتیلگن

اتفاق کوچلری حقانی ترماغیگه علاقه دار ایککی قوماندانینگ افغانستان جنوب شرقیده هلاک ایتیلگنی خصوصیده خبربیرگن.

اتفاق کوچلری تمانیدن چیقاریلگن بیاناتگه کوره حقانی ترماغیگه علاقه دار بو قومندان لر دن بیری نینگ اسمی امان الله بولیب خلقرا اتفاق کوچ لر ی گه قرشی عصیانچیلیک فعالیت لرینی زیروک ولسوال لیگیده رهبر لیک قیلیب کیلگن.

حقانی ترماغی بیر گروه افغان عصیان چی لریدن عبارت بولیب بو گروه گه جلال الدین حقانی نینگ اوغلی سراج الدین حقانی باشچلیک قیله دی.

اتفاق کوچلری گه کوره امان الله اوتگن هفته سونگیده پکتیکا ولایتیده یولگه قویلگن حربی عملیات جریانیده هلاک بولگن.

اتفاق کوچلری نینگ ایتیشچه ایککینچی قوماندان نینگ اسمی " ماچ " بولیب او هم زیروک ولسواللیگیده فعالیت قیلیب کیلگن و اتفاق کوچلری بیلن بولگن توقنه شوده قربان بولگن.

شونگه قوشیمچه قیلیب ناتوکوچلری حقانی ترماغیگه تیگیشلی بولگن بو ایککی قوماندان دن تشقری اوشبو گروه گه تیگیشیلی بولگن ینه بیر قنچه عصیانچی لر هم هلاک بولگنینی ایتگن، لیکن اولرنینگ سانی حقیده اتفاق کوچلری معلومات بیرمه گن.

حقانی ترماغی حاضرگه قدر بوباره ده قندی بیر مناسبت بیلدرمه گن .

عینی حالده افغانستانده فعالیت آلیب باره یاتگن اتفاق کوچلری پکتیکا ولایتیده فعال بولگن بیرقنچه عصیانچینی توتیلگنلیگی حقیده خبربیرگن.

اتفاق کوچلری نینگ باشقه بیر باناتیگه کوره پکتیکا ولایتی نینگ یحیی خیل ولسواللیگیده افغان وناتو کوچلری بیرگه لیکده آلیب بارگن عملیات لریده اوشبو قوماندان قولگه الینگن.

عینی حالده اتفاق کوچ لری بیاناتیده کیلیشیچه آتی فاش ایتیلمه گن اوشبو قومندان بیلن بیرگه لیکده اونینگ 4 یقین کیشی سی هم قولگه آلینگن.

بو حالتده قره گنده ایسه افغانستان دولتی طالب لر همده عصیان چی لر بیلن کیلیشیش گه حرکت قیلماقده.

افغانستان دولتی طالب لر همده عصیان چی لر بیلن کیلیشیش اوچون عالی تینچلیک کینگاشینی توزگن و اوشبو کینگاش طالب لر نی تینچلیک گه رغبت لنتیریش اوچون اوشبو گروه گه امتیاز بیریش لرینی اعلام ایتگن.

عینی حالده افغانستانده کی اتفاق کوچلری عصیانچی گروه لر مذاکره قیلیشگه حاضر بولمه سه لر اولرگه قرشی جدی حربی عملیات لر یولگه قویلیشینی ایتگن.