ییر معماسی جدی لشماقده

افغانستان زراعت وزیرلیگی گه کوره افغانستان بویلب کوپینچه دولتی ییرلر زورمندن کیشی لر تمانیدن غصب ایتیلگن

مسوول کیشی لرنی ایتیشلریچه دولتی ییرلرنی غصب ایتیلیشگه یککه ناتینچ لیک لر سبب بولمی بلکه ساخته کارلیک حجت لرتوزه لیشی هم اساسی معما توغدیرگن.

افغانستان حکومتی الدینلر هم مینگلب هکتارلی دولتی ییرلرنی زورمند کیشی لر تمانیدن غصب ایتیلگندیب بو معمانی حلی اوچون ایجابی یول یوروق لر کوریب چیقیلیشینی تاکیدلب کیلگن، اما حاضرگه قدر هم بومعما حل بولمی قالگن. هرکون اوتیشی بیلن بومعما جدی لشماقده.

عینی معما باعث پارلمان کینگاشی نینگ عمومی یغینده چقریلگن زراعت وزیرلیگی نینگ اورین باسری سلیم کندزی قنچه دولتی ییرلرنی غصب ایتیلگنی باره سیده انیق معلومات یوق لیگنی اورغوله دی، همده او دولتی ییرلر خصوصیده قلابی حجت لر تیارلنگنی اساسی معما ایکنینی ایتدی."الدینلرهم ایککی ملیون یا ایککی ملیون هکتاردن از دولت گه عاید ییر غصب ایتلگنی ایتیلگن،اوتگن اوتز ایگرمه بیش یا اون ییل جریانیده، قلابی حجت لر تیارلنگن، همده روزمند کیشیلر تمانیدن دولتی ییرلر غصب ایتیلگن ییر معماسی شو ایککی مسله دن کیلیب چیققن یکه لیکده بوکبی معمالرنی زراعت وزیرلیگی حل قیله المیدی، باشقه اداره لرنی هم همکارلیک قیلیشی ضرور دیب ایتدی " کندزی جنابلری.

شونگه قوشیمچه قیلیب کندز جنابلری ییر معماسینی حل ایتیش اوچون زراعت وزیرلیگی دایره سیده مخصوص بیر اداره قوریلگنینی ایتدی.

اونگه کوره دولت گه عاید ییرلرنی سروی قیلیش وانیق لشتریش اوشبو اداره نینگ اساسی بورچی بولگن.

اما ایریم ملت وکیللری زراعت وزیرلیگی نینگ بوخصوصده بولگن برنامه لرنی قانیقرلی ایمس لیگینی ایتدیلر، اولر ایسه ییر معماسینی حل ایتش اوچون کینگ برنامه یولگه قویلیشگه احتیاج بارلیگینی تاکیدله دیلر.

ایتیلیشچه دولت گه عاید زراعتی ییرلر ایریم زورمند کیشی لر تمانیدن غصب ایتیلیب پول مقابلیده ساتیلماقده یاده بعضی بیر حدودلرده غصب ایتیلگن ییرلرده شهرچه لر قوریلگن اوشبو حدودلرنی قیته دولتگه تاپشریش بیراز قین دیر.

باشقه تماندن آلیب قره گنده نه فقط دولتی ییرلرنینگ ایریم کیشی لرتمانیدن غصب ایتیلشی معماگه ایلنگن ، بلکه اهالی گه باغلیق ییرلر اوسیتگه هم اوچ اون یللیک اوریش لر دوریده قلابی حجت لر تیارلنگنی باعث اساسی معما توغدیرگن بومسله بعضی وقتلرده اهالی اره سده اوریش لرگه ایلنیب حتی کی بعضی بیرانسانلرنینگ هلاکتیگه هم سبب بولگن.

شوندی بولسه هم دولت حاضرگه قدرهم ییرمعماسینی حل قیلیشگه قادربولمه گندیر.