2010 ییل خارجی حربی لر اوچون اینگ تلفات لی ییل

افغانستان شرقیده ینه بیر خارجی عسکرنینگ هلاک بولیشی بیلن ، اوشبو مملکت ده هلاک بولگن چیت ایل لیک عسکرلر سانی 600 کیشی گه ایتدی.

افغانستان مدافعه وزیرلیگی گه کوره، کوپلب حربی عملیاتلر قوشمه شکلده عملگه آشه دی انه شو یوزه دن افغانستان لیک حربی لر تلفاتی سانی هم آلدینگی ییل گه نسبتا آشگن.

افغانستان حکومتی همده خارجی رسمیلریگه کوره، عسکرلرسانی نینگ آشگن لیگی، عصیانچیلر فعالیت لرینی کوچیگنی همده یول چیککه سیده اورنه تیله یاتگان ماینلر سانی نینگ آشیشی بولرنی همه سی خارجی و افغانستانلیک عسکرلر تلفاتی سانی نینگ اشیشگه آلیب کیلگن.

خارجی کوچ لر نینگ 2009 ییل گی تلفات لری نینگ سانی 521 کیشی بولگن ایدی .

میلادی 2010 ییل نینگ توگشیگه ایککی آیدن کوپراق وقت بار بوله توریب حاضرگه قدر خارجی کوچ لر نینگ تلفات لری سانی 600 گه ایتگن.بو رقم ایسه اوتگن میلادی ییل خارجی حربی لر افغانستانده کورگن تلفاتیدن انچه یوقاری دیر.

شونگه قره مسدن افغان و خارجی مقاملرعصیانچیلرنی نابود ایتیشگه قرشی عملیاتلرنی دوام ایتیرشنی تاکیدلب ، بو ییلگی حربی لر تلفاتی سانی نینگ آشیشگه سبب ، افغانستان نینگ تورلی منطقه لریده عصیانچیلرگه قرشی حربی عملیاتلر کولمی نینگ آشیشی دیب ایتگن.

ایساف کوچلری نینگ افغانستانده گی سوزچی سی جنرال سن سیت بلنسکی، عصیانچیلرنی نابود ایتیش اوچون کوپراق عملیات لرنی یولگه قویش کیرک لیگی نی تاکیدلیدی

افغانستان عدلیه وزیرلیگی خارجی همده افغان امنیتی کوچ لر نینگ سانی آشیشیگه اشاره قیلر ایکن ، کوچ لر نینگ آشیشی حربی فعالیت لر نینگ آشیشیگه آلیب کیله دی نتیجه ده ایسه هر ایککی تمان قربان لیک بیره دی دیدی .

خوش ایندی شوندی ایکن، افغان امنیتی کوچ لر نینگ تلفاتی آلدینگی ییلگه نسبتا قندی بولگن؟ بو حقده عدلیه وزیرلیگی نینگ سوزچی سی ظاهر عظیمی"خارجی کوچ لرنینگ تلفاتی آشگن لیک موضوع سی افغان خوف سیز لیک کوچ لریگه هم تیگشلی دیر.چونکه کوپگینه عملیا ت لر قوشمه بیر شکلده یولگه قوییله دی . ایککنچی موضوع شو کی خارجی کوچ لر نینگ مخصوص کییم لری بار افغان امنیتی کوچ لرده ایسه بو هم یوق. شو سببلی افغان خوف سیز لیک کوچلری نینگ هم تلفاتی آلدینگی ییل گه نسبتا آشگن" دیب ایتگن .

لیکن افغانستان لیک سیاسی تحلیلچی نورالحق علومی نا قرار لیک لر همده افغانستان حکومتی و خلقرا هم جمیت افغانستانده توغری بیر ستراتیژینی قولله مه گن لیگی اوشبو ملمکت ده حربی لر تلفاتی نینگ آشیشگه سبب بولگن دیب ایته دی .

علومی جنابلریگه کوره، عصیانچیلرگه قرشی اکثر عملیاتلرده عادی اهالی تلفات کوره یاتگان لیگی اولرنی حکومت همده خارجی کوچلرگه قرشی غضب له نیشلری و عصیانچیلر صفیگه قوشلیش لریگه سبب بوله دی .

حاضرگی کونده افغانستان بویلب 150 مینگ خارجی عسکرلر فعالیت آلیب باره دی. میلادی 2001 ییل یعنی خارجی کوچلرنی افغانستان گه کیرب کیلیشدن بیری حاضرگه چه 2170 خارجی حربی هلاک بولگن .

لیکن میلادی 2010 ییل افغانستانده 600 خارجی حربی نینگ هلاک بولیشی بو ییل نی خارجی حربی لر اوجون اینگ تلفاتلی ییل گه ایلنترگن.