گورباچف: افغانستانده غلبه قازانیش امکان سیز

Image caption امریکا سعودر عربستان نینگ مالی یاردمی بیلن بوگون افغانستان و پاکستاننی ترور قیله یاتگن افغان جنگریلرینی تیارگرلیکدن اوتکزگن

بی بی سی بیلن صحبتده سابق شوروی جمهور رئیسی میخایل گوربا چف ناتو نی افغانستانده غلبه قازانیش امکان سیز ایکنی حقیده آگاه لنترگن.

20 ییل اول سابق شورا کوچلرینی افغانستاندن آلیب چیققن جناب گورباچف گه کوره امریکا نینگ هم ، اگر ایککینچی ویتنامنی ایسته –مه سه ، اوز کوچلرینی آلیب چیقیب کیتیشدن باشقه یولی یوق.

سابق شورا رهبری ناتو ایرشیشی ممکن بولگن اینگ کاتته نرسه افغانستان نینگ آیاققه توریشی و اوروشدن کیین اوزینی قیته قوریشده یاردم بیریش ایکنینی ایتدی.

جناب گورباچف جمهور رئیس باراک اوباما نی کیله سی ییلدن باشلب افغانستان قوشونلرنی آلیب چیقیب کیتیشنی باشلش قرارینی آلیقیشله دی .

اما او قوشمه امریکا ایالتلرینی 20 ییل اول منطقه ده گی رولی اوچون تنقید قیلدی.

"امریکا سعودر عربستان نینگ مالی یاردمی بیلن بوگون افغانستان و پاکستاننی ترور قیله یاتگن افغان جنگریلرینی تیارگرلیکدن اوتکزگن،"دیدی او.

جناب گورباچف نینگ بشارت قیلیشچه ، امریکا نینگ وضعیت دن چیقیشی قیین بوله دی ی.

"اما باشقه یول یول .یریم میلیون قوشوننی جونه تیب ، ایککینچی ویتنام یره تیش ایش بیرمیدی ،" دیب ایتدی میخایل گورباچف .