امریکا افغانستاننی قیته قوریشی اوچون اجره تگن پوللرقییرگه کیته یاتگنینی بیلمیدی

Image caption امریکا نینگ افغانستاننی قیته قوریش اوچون اجره تیلگن پوللری ، امریکا لیک اداره لر تمانیدن صرف لنگن.

امریکا ایالتی حکومتی آژانسلری 2007-2009 ییلرده افغانستاننی قیته قوریش لایحه لریگه قریب 18 میلیارد دلار صرف لشگن.

بو حقده افغانستاننی قیته قوریش بویچه مخصوص باش نظارتچی اداره سی چیقرگن حساباتیده ایتلگن.

حساباتگه کوره ، پول 7 مینگه یقین خصوصی شرکتلر گه تقسیملب بیرلگن.

اما،مبلغ لرنی صرف لش ایشلری یخشی موافقلشتیرلمه گن و بو باره ده گی معلوماتلر یخشی سقلنمه گن.

پنتاگون هم ، امریکا نینگ USAID –خلق آرا ترقیات باشقرمه سی هم اوزلری قنچه پول صرفلگنلری و بو پوللرنی کیم لر قبول قیلیب آلگنی حقیده انیق جواب بیره آلمه گن .

افغانستان نی قیته قوریش بویچه مخصوص باش نظارتچی اداره سی مذکور عملیات لرنی اوته چلکش دییه تعریف له گن .

بیراق ، اداره معلوم مقدارده گی پول نینگ قییرگه کیتگنینی انیق لشگه موفق بولگن.

اینگ ییرک قریب ایککی ملیارد دلارلیک قرارداد امریکا نینگ Dyn Corp شرکتی بیلن توزیلگن و بو مبلغ پولیس نینگ تیارلولردن اوتکزیش همده بنگی وار ماده لرگه قرشی کورش ایشلریگه صرف لنگن .

کابل ده گی قوریلیش شرکتی ،اداره لر و عسکرلرقاله یاتگن بنا لر قوریش اوچون قریب 700 میلیون دالار آلگن .

2001 ییلدن بیری امریکا افغانستان اوچون 55 میلیارد دلار صرف له گن .

اما،افغانستاننی قیته قوریش بویچه باش نظارتچی اداره سی حساب کتابلر یخشی سقلنمه گنی باعث 2007 ییلیدن آلدینگی ییلرده گی عملیاتلر بویچه معلومات لرنی انیق لی آلمه گن .

اداره نینگ باشقه بیر حساباتیده ایتلیشچه ، افغان پولیسی اوچون 6 بنا نینگ برپا ایتلیشی اوچون بیش میلیون دلار صرف لنگن.

بیراق ، بو اشبو انشاتلر فایده لنیشگه یراقسیز ایکنی ایتله دی .

هلمند و قندهار ولایتدیده برپا ایتلگن اشبو قوریلیشلر صفتی یمان لیگی و زلزله بولگن تقدیرده قولب توشیشی ممکن لیگی ایتله دی .