حامد کرزی ناتو دن عملیات باره سیده توشنتریش طلب قیلگن

Image caption افغانستاندن روسیه گه قاچاق ایتله یاتگن بنگی وار ماده لری ییرک معما یرتماقده

افغانستان جمهور ریئسی حامد کرزی ناتو قوماندان لیگی دن مملکت شرقیده امریکا لیک و روس لر تمانیدن بنگی وار ماده لر کارخانه لرینی گه قرشی اویشتیرلگن عملیاتی خصوصیده توشنتریش طلب قیلگن .

جمهور رئیس لیک سرای تمانیدن ترقه تیلگن بیانات نامه ده کیلیشچه بوعملیات افغان ملازم لری بیلن هماهنگ لشتیرلمه گن .

"افغانستان اسلامی جمهوریتی حکومتی رخصتی سیز بیران بیر تشکیلات و یا موسئسه بو مملکت حدودیده حربی عملیات لر اوتکزیشگه حقی یوق"،دییله دی حامد کرزی اداره سی چیقرگن بیاناتده.

"افغانستان ناتو نینگ اوشبو ایشنی قاره لیده و بو کبی بیرتمانلمه عملیاتلر افغانستان دخل سیزلیگی و شو بیلن بیرگه خلق آرا قانونلرنینگ آچیق بوزیلیشی دیر "، دیدی افغانستان جمهورریئسی اوز بیاناتیده .

عینی پیتده کرزی جناب لری ایچکی ایشلر و مدافعه وزیرلیگگه بولیب اوتگن حادثه یوزه سیده تیکشرو اوتکزیب ، شنبه کونی کیچگچه اونگه نتیجه لر بویچه حسابات بیریشنی طلب قیلگن.

کیچه روسیه نینگ بنگی وار ماده لرگه قرشی کوره ش رسمی سی روسیه و امریکا کوچلری افغانستانده گی تورتته مخدر ماده ایشلب چیقروچی کارخانه ویران قیلگنلری حقیده معلوم قیلگندی .

ویکتور ایوانوف گه کوره ، پاکستان بیلن چیگره سی یقینیده گی عملیات چاغی قیمتی 250 میلیون دالر نی تشکیل ایته دیگن بیر تون دن آرتیق هروئین و تریاک قولگه کیرتلگن .

ایشانیلیشچه ، شرقی جلال آباد شهری یقینیده تیارلنه یاتگن اوشبو مخدر ماده لر مرکزی آسیا گه جونه تیلیشی کیرک بولگن .

بو کبی قوشمه عملیات ایلک بار اوتکزلگن.اوتمیشده روسیه رسمی لری افغانستانده بنگی وار ماده لر ایتشتریشنی آلدینی آلیش اوچون هیچ ایش قیلمه یاتگن لیکده عیب لب چیققندی .

و اکثر بنگی وار ماده لر افغانستان شمالیدن تاجیکستان و ترکمنستانگه کیین قزاقستان آؤقه لی روسیه گه کیریب کیله دی .

روسیه نینگ اوزیده حساب کتاب لرگه کوره، 2 یریم میلیون بنگی بارلیگی ایتله دی .

روس لر عملیاتده قتنشمه گن

افغانستان ایچکی ایشلر وزیرلیگی ایسه بوکون مطبوعات یغینی اوتکزیب ننگرهار ولایتده بنگی وار ماده لرگه قرشی حربی عملیات نینگ یولگه قوییلگنینی تصدیق له گن.

بیراق اولر بو عملیات ناتو و افغان خوف سیزلیک کوچلری تمانیدن عملگه آشیرلگنینی ایتماقده .

افغانستان حکومتی سوزچی لریدن سیامک هرویی نینگ ایتیشچه بو عملیات ناتو و افغان ایچکی ایشرلر وزیرلیگی تمانیدن یولگه قوییلگن.

اونگه کوره فقط ایککی نفر روس رسمی لر عملیات جریانیده حاضر بولگن خلاص.