اونلب مخدره ماده قاچاق چیلری جزالندی

افغانستان نینگ مخصوص مخدره ماده لر گه قرشی کوره شو چی محکمه سی مخدره ماده لر قاچاغیده قولی بولگن 150 دن آرتیق کیشی 18 ییل قماق جزاسیگه محکوم ایتدی.

افغانستان مخدره ماده لرگه قرشی کوره شوچی اداره سی نینگ عدلی وقضا بولیمی گه کوره هجری 1389. ییل نینگ بیرینچی یریم ییللیگیده مخدره ماده لر قاچاغیده عیبلنیب قولگه آلینگن شخص اره سیده دولت اییشچیلری همده حربی عسکر لر هم بولگن.

افغانستان مخدره ماده لرگه قرشی کوره شوچی اداره سی نینگ عدلی وقضای بولیمی هجری 1389. ییل نینگ سونگی اوچ اییده 155 کیشینی قولگه آلگن و بوشخص لرگه نقد پول همده قماق جزاسی تعین ایتگن.

اوشبو اداره مقام لریگه کوره قولگه آلینگن شخصلر گه ایککی ییلدن اون سککیز ییل گه چه قماق جزاسی همده اوچ یوز مینگدن ایککی میلیون افغانی گه قدر جریمه پولینی توله ش بیلگی لنگن.

افغانستان مخدره ماده لرگه قرشی کوره شوچی اداره سی نینگ قضای وعدلی بولیمی نینگ سوزچیسی خلیل الرحمان متوکل گه کوره اوشبو وقت اره لیگیده مخدره ماده لرگه تیگیشلی بولگن 113 قضیه افغانستان نینگ 16 ولایتیدن بو اداره گه یوباریلگن.

بو ولایت لر ایچیده هلمند ولایتیدن ایگرمه ایککی و نیمروز ولایتیدن 10 و فراه ولایتیدن توقیز قضیه ایتیب کیلیشی بیلن بو لایت لر ایسه بیرینچی اورینگه تورگن.

متوکل جنابلری نینگ ایتیشچه قندهار ولایتیدن بولگن ایککی کیشی بیرتن تریاک نینگ قاچاق قیلیشده عیبلنیب اینگ کتته قاچاقچی صفتیده محکوم ایتیلگن.

شونگه قوشیمچه قیلیب متوکل جنابلری، سونگی اوچ آی ایچیده بیرنیچه تن هیروین، تریاک، چرس، وکیمیاوی ماده لرنی همده مینگلبچه لیتر تیزاب مخدره ماده لرگه قرشی کوره شوچی اداره سی تمانیدن یوق ایتیلگنیدن خبربیردی.

افغانستان مخدره ماده لرگه قرشی کوره شوچی اداره سی نینگ عدلی وقضای بولیمی نینگ ایتیشچه اوشبو مرکزکمیده ایککی کیلوگرام دن ارتیق هیروین اون کیلو گرام تریاک وییللیک کیلوگرام چرس دن ارتیق بولگن قاچاقچی لریگه عاید عمده قضیه لرنی کوریب چیقیش توغریسیده فعالیت الیب باره دی.

اوشبو مقاملرگه کوره هجری 1389. ییل نینگ بیرینچی اوچ ایلیگیده 180 کیشی مخدره ماده لر قاچاغیده عیبلنیب تورلیچه جزالرگه محکوم ایتیلگن.