قندوزده اوزبیکستان لیک جنگریلرقولگه آلیندی

Image caption مملکت شمالیده گی قندوز ولایتی سونگی وقت لرده طالبان نینگ هجوم لریگه دوچ کیلماقده.

افغانستان شمال شرقیده گی قندوز ولایتده خلق ارا کوچلری همکارلیگی ده اوتکزلگن عملیات چاغیده اون جنگری اولدیرلگن.

هلاک ایتلگنلردن ایککی نفر ی اوزبیکستان اسلامی حرکتی اعضالری بولیب، قالگنلری طالبلر جنگریلری ایکنی خبر قیلنماقده.

بو حقده قندوز ولایتی خوف سیزلیک ملازمی عبدالرحمن سید خیلی معلوم قیلگن.

قندوز ولایتیده طالبلر نظارت اورنتگن 12 ته قشلاق هم قیته ریب آلینگن.

مملکت شمال شرقی حدودلری سونگی آی لرده جنگری لرنینگ فعاللشگنی گه گواه بولگن.

اوتکن آی باشلریده مملکت شمالی شرقیده گی تخار ولایتی مرکزی تالقان شهریده جایلشگن مسجدده یوز بیرگن پارتلش ده قندوز والی سی داخل 14 نفر هلاک بولگن ایدی .

قندوز ولایت رسمی لری تاجیکستان بیلن چیگره داش بولگن بولگه لرده ، طالبانگه قرشی حربی عملیات نینگ حاضرگه قدر دوام ایته یاتگنینی معلوم قیلگنلر

مرکزی آسیا نینگ اینگ جنگری گروهی سنلگن ، القاعده بیلگن یقین علاقه ده ایکن لیگی ایشانیلگن اوزبیکستان اسلامی حرکتی افغانستان شمال شرقیده فعال بولیشگن .

طرفه تخمین لرنینگ اینگ معتدلی بویچه ، مینگ دن آرتیق اساسا اوزبیکستان لیک جنگری لردن تشکیل تابگن اوزبیکستان اسلامی حرکتی 2001 ییل کوزیده امریکا و خلق ارا کوچ لرنینگ هجوملری دن کیین انچه ییلن کوچ سیزله نیب قالگنی ایتلگندی.

خلق ارا کوچلرنینگ هجوم لریدن بیریده حرکت نینگ تنقلی قوماندانی جمعه نمنگانی هلاک ایتگن، یوزلب باشقه جنگری لر افغانستان بیلن جیگره گه یقین پاکستان منطقه لریده یشرینگلیگی ایشانیله دی .