افغان عسکری ناتو کوچلرینی اولدردی

Image caption حادثه هلمند ولایتی نینگ سنگین ولسوالیگیده روی بیرگن.

ناتو کوچلری ، بیر افغان عسکری مملکت جنوبیده خارجی کوچ لرنی اوق گه توتیب اولدیرگنی خصوصیده چیققن خبرلرنی تیکشرماقده. طالبان دن نقل قیلگن ، افغان خبر آژانس لریدن بیریگه کوره ، هلمند ولایتده عملگه آشیرلگن هجومده ناتو کوچلری نینگ اوچ نفر عسکری هلاک بولگن . ناتو کوچلری سوزچی سی ،هلمند ولایتده روی بیرگن حادثه دن آگاه بولگنلری و مذکور حادثه نی تیکشره یاتگنلیک لرینی ایتکن. بوندن قریب 5 آی مقدم افغان عسکرلریدن بیری هلمند ولایتیده بریتانیا اوردو سیده گی اوچ نفر کورگه عسکرلرینی آتیب اولدرگندی. پاکستانده جایلشگن ،افغان پرس آژانسی طالبان سوزچی سیدن اقتباس کیلتریشچه ، افغان عسکری سنگین ولسوالیگی ده گی حربی قرارگاه ایچیده ، خارجی عسکرلرگه قرشی اوق آچیب اوندن کیین قاچیب طالبان صفیگه قوشلگنلر. مخبرلرگه کوره افغان پرس آژانسی طالبان بیلن چوقر علاقه سی بولیب عادتده ایشانچلی بیر خبرآژانسی صفتیده کورلمی کیلگن. عینی دمده ، هلمند ولایتی پلیس قوماندانی معاونی AFP خبر آژانسگه ایتیشچه ، افغان عسکری ایساف کوچلریگه قرشی هجوم اویشترگن. "اوردو کوچلری عسکرلریدن بیری نینگ ایساف کوچلریگه قرشی اوق آچگنی معلوم، بیراق بو خصوصده گی تفصیلات لردن اگاه ایمس میز ،" دیب ایتگن کمال الدین خان. 150 مینگ ناتو و امریکا لیک کوچلر افغانستانده گی عصیانکارلرگه قرشی کوره شیب کیلماقده. بو عسکر لرنینگ اکثریتی مملکت جنوبیده گی هلمند وقندهار ولایتلریده جایلشگن. ناتو نینگ ایساف کوچلری ، افغان خوف سیزلیک کوچ لرنی تیارگرلیک لردن اوتکزماقده، بیراق حاضرگه قدر بیرنیجه مراتبه افغان عسکرلری خارجی کوچ لرگه قرشی اوق آچگنلر. اکتبر آییده افغان عسکرلریدن بیری کابل شمالیده گی فرانسه و افغان کوچلری نینگ قرارگاه گه قرشی قره ته راکت اتگندی، بیراق حادثه ده هی کیم گه ضرر ایتمه گندی. جولای آیده بریتانیا لیک عسکرلرگه قرشی هجوم یانیده ، افغان عسکرلریدن بیری مملکت شمالیده گی حربی قرارگاه لردن بیریده ایککی نفر امریکا لیک حجاره چینی اولدیرگندی. شونگه اوخشش اگوست آیده ، مملکت شمال غربیده گی بادغیس ولایتده ، مشق لردن اوته یاتگن افغان پلیس کوچلریدن بیری ایککی نفراسپانیا لیک پلیس خادمی و اولرنینگ ترجمانلرینی آتیب اولدیرلگندی.

اسپانیا باش وزیری افغانستانده

Image caption اسپانیا باش وزیری ، افغانستانده گی اوز کوچلری بیلن اوچره شیش اوچون بادغیسگه سفر قیلگن.

اسپانیا باش وزیری "خوزی لویس رودریگوز زاباتیرو "الدین دن اعلان ایتلمه گن سفر بیلن افغانستانگه تشریف بویرگن. او اسپانیا کوچلری اوییرده قالیش اوچون ایمس بلکه افغانلر اوچون خوف سیزلیک نی تامین لش اوچون قوللریدن کیلگن امکانیت لرنی ایه مسلیکلرینی ایتکن. مدافعه و تشقی ایشلر وزیرلری بیلن ،سفر قیلگن باش وزیری ، افغانستانده گی اسپانیا کوچلرینی یقیندن باریب کوریشگن. " بیز بو ییرده قالیش اوچون کیلگنیمیز یوق. افغانلر اوز خوف سیزلیک لرینی تامین لش پیتیگه چه بیز یاردم قیلیش وعده سینی بیرگن میز ،"دیب اسپانیا رادیوسیگه ایتکن. "بوهدف گه ایرشیش بیلن در حقیقت افغان لر یخشی راق کیله جیک نی قولگه کیرتیشگه قادر بوله دی لر و بیزلرایسه خوف سیزکیله جکه ایگه بوله میز ،" دیب ایتکن اسپانیا باش وزیری . اسپانیا باش زویری 2004 ییلیدن قدرت نی قولگه آلیشی آرتیدن ایککینچی مراتبه افغانستانگه سفر ایتماقده .