قیش فصلی نینگ معما لری

Image caption بیلتیرکی قارکوچیشیگه اونلب انسان هلاک بولدی

افغانستان جمهور رییسی حامد کرزی ، قیش فصلی کیریب کیلیشی بیلن ، کم بغل اهالی گه ایریم خذمت لر یولگه قوییلیشی نی وزیرلر کینگاشی دن ایسته دی. جمهور رییس کرزی نینگ سوز چیسی وحید عمر گه کوره ، کرزی جنابلری تیگیشلی وزیر لر دن ، یاقیلغی و آذوق آوقت مواد لری نینگ خلق گه ایتکزیش همده حادثه لرنینگ آلدینی آلیش اوچون، یول لرگه یخشی قره ش اینیقسه سالنگ یولیگه قرشنی طلب قیلگن. افغانستانده سونگی ییل لریده قیش ساووغی کوپ گینه انسان لر نینگ حیاتی گه ضامن بولگن. بو حالتده قرگنده ، افغانستان جمهور رییسی حامد کرزی بوگون کی وزیر لر کینگاشیده ، اهالیگه یاردم ایتکزیش ریجه سینی یخشی شکلده بجریلیشینی سوره دی. جمهور لیک سرای نینگ سوز چیسی وحید عمر گه کوره ، بوگون کی وزیرلر کینگاشیده ، تیگیشلی وزیرلر، کرزی جنابلری گه خلق گه یاردم بیریش ریجه سی یخشی بیر شکلده یولگه قوییلگن لیگیگه ایشانچ بیرگن لر. ریاست جمهور لیک سرای نینگ سوز چیسی وحید عمر شوندی دیدی. "افغانستان جمهور رییسی ، تاجر لردن ، افغانستانگه سرمایه یاتقیزگن کیشیلردن همده ، یاردم بیروچی موسسه لردن ایسته یدی کیم ، زمستان فصلی گه حکومت نینگ یانیده ، مملکت کم بغل خلقی گه یاردم بیریش اوچون حرکت قیلسین لر"

مملکت ده بیریریم میلیون دن کوپراق انسان نینگ آچلیک تهدید ایته یاتگان لیگی افغانستان حکومتی همده بیرلشگن ملت لرتشکیلاتی نی خواطرگه سالگن. بو حالتده قرگنده ، مملکت شاه یوللریده هم قیش فصلی کیلیشی بیلن کتته قیین چیلیک لر بیلن یوزه گه چیقه دی . شمالی ولایتلرنینگ پایتخت کابل بیلن باغلوچی سالنگ شاه یولیده اوتگن قیش ده یوزبیرگن قار کوچیشی طفیلی اونلب انسان هلاک بولیبف یوز دن آرتیق کیشی یره دار بولگن ایدی لر. شونده ی بیر حالتده ، ایریم کوزه توچیلر، اگرده ، کم بغل اهالی گه اوز پیتیده ، یاردم لر ایتکزیملمسه ، مملکتده اوتگن ییلرده گی یوز بیرگن انسانی فاجعه لر قیته تکرار بولیشی ممکن لیگی نی ایته دیلر. قیش فصلیگه یاقیلغی ماده لر همده آذوق آوقت مواد لری نینگ بهاسی یوقاری کیتیشی اهالی نینگ اینگ کتته خواطر لریدن سنه لیب ، بو حالت ، کوپ گینه افغان لر قیش فصلی نی یمان شکلیده اوتکزیش لریگه سبب بوله دی.