قندوزده یوزبیرگن پارتلش تلفاتی

افغانستان شمال شرقیده جایلشگن قندوز ولایتی نینگ امام صاحب ولسواللیگیده پارتلش یوزبیرگن، رسمیلرگه کوره اوشبو پارتلشده اربکی قوماندانلردن بیری داخل سککیز کیشی هلاک و اون سککیز کیشی یره لنگن.

رسمی معلومات لرگه کوره پارتلاوچی ماده موترسایکل گه اورنه تیلیب کینچه لیک اوزاق دن باشقرلوچی اسکونه بیلن پارتله تیلگن

امام صاحب ولسواللگی نینگ حاکمی محمد ایوب حقبین گه کوره پارتلش امام صاحب ولسواللگی نینگ شهرمرکزیده کی قوتوربلاغ دیب اتلگن ایستگاه سیده یوزبیرگن.

اونی معلوم قیلیشچه پارتلش ده سککیز کیشی هلاک بولیب اولردن بیری محلده فعال بولگن اربکی قوماندانلردن بیری بولگن و ایکته سی اوشبو قوماندان نینگ قوریقچیسی بولیب وباشقه قالگن بیشته سی عادی اهالیدن عبارت بولگن.

شونینگ دیک حقبین جنابلری اوشبو حادثه طفیلی جراحت الگن اون سککیز کیشی نینگ همه سینی عادی اهالی ایکنینی ایتگن.

رسمیلر، یره لنگن کیش لرنی امام صاحب ولسواللیگی نینگ شهرمرکزیده کی کسل خانه انتقال بیریلگنینی ایتیب اولرنینگ وضعیتینی آغیر ایمسلیگینی تاکیدله گنلر.

بوندن بیرنیچه کون الدین هم عینی ولسواللیکده طالبان عصیانچیلری و اربکی کوچلر اره سیده توقنه شولر یوزبیریب اربکی کوچلردن تورت عسکر هلاک بولگن ایدی.

سونگی پیتلرده قندوز ولایتی نینگ امام صاحب ولسواللیگی قوشمچه باشقه حدودلریده هم عصیانچیلر فعالیتی کوپیگنی ایتیلماقده.

باشقه تماندن ایسه اوشبو ولایت نینگ ایریم تومنلریده القاعده همده اوزبیکستان اسلامی حرکتیگه علاقه دار بولگن عصیانچی لرنینگ انچه فعال بولگنی ایتیلیب کیلگن.