اوغیرلنگن افغانستان ایلچیسی پاکستانده آزاد ایتیلدی

Image caption فراهی جنابلری ایککی ییل دن کوپراق نی اوغیرلنگن کیشی لرنی آلدیگه اوتکزدی

مملکت جنوب شرقیده گی بیر خوف سیز لیک ملازمی ، افغانستان لیک اوغیرلنگن ایلچی عبدالخالق فراهی ، پاکستان پایتختیده ، آزاد ایتیلگن ایتگن.

فراهی جنابلری ، افغانستان قدیمگی کنسولی ایدی کیم اوغیرلنیشی دن نیچه کون آلدین پاکستانده ایلچی صفتیده معرفی بولگن ایدی.

فراهی ، 2008 ییل سپتامبر آییگه ، بیر قنچه قوراللی کیشی لر تمانیدن ، پشاور نینگ حیات آباد منطقه سیده ، اوغیرلنیب ، اوشبو حادثه ده او نینگ هیداوچی سی هلاک بولگن ایدی.

یک شنبه کونی ییرته لب ، پاکستان رسانه لری ، بو مملکت ملازیم لری نینگ قولی دن ، افغانستان دیپلوماتی نینگ آزاد ایتیلیشی دن گزارش ترقه تدیلر.

پاکستانده فعالیت آلیب باریاتگن بی بی سی مخبری گه کوره ، اسلام آباد ده گی افغانستان ایلچی خانه سی نینگ ملازیم لری ، فراهی جنابلری نینگ آزاد ایتیلیشی نی رد قلمه گن لر اما او نینگ آزاد ایتیلیشی نینگ رسمی شکلده کابلدن اعلان بولیشی نی ایسته گن لر.

فراهی جنابلری نینگ آزاد ایتیلیشی خصوصیده حاضر گه چه معلومات ترقه تیلمه گن.

بوندن آلدین ، فراهی جنابلری نینگ اوغیرلنگنینی ادعا قیله دیگن گروه ، فراهی نینگ آزاد ایتیلیشی خصوصیده افغانستان دولتی بیلن مذاکره قیلگنی و بو باره ده دولت دن بیر قنچه ایستک لرنینگ مطرح قیلگنینی ایتگن ایدی.

میلادی ییل اوتگن مه آییده ، فراهی جنابلری دن بیر ویدیو ترقه تیلدی. فراهی جنابلری اوشبو ویدیو ده ، اوغیرلنگن کیشی لر تمانیدن ، امریکا تمانیدن قوریلگن دولت یعنی افغانستان بیلن همکارلیک قیلیشیگه عیبلنگن لیگی نی ایتگن ایدی.

فراهی جنابلری نینگ یانیده یوزی گه نقاب کییلگن بیر کیشی هم اوشبو ویدیو ده ، فراهی نینگ آزاد ایتیلیشی خصوصیده افغانستان دولتی اوشبو گروه نینگ ایسته ک لریگه کوز قره تمس لیگی نی ایتگن ایدی.

اما پاکستانده گی افغانستانلیک دیپلومات لر فراهی جنابلری نینگ اوغیرلگن کیشی لر بیلن هر قنده ی مذاکره قیلیش نی رد قیلگن لر.

حاضر انیقلنمه گن کیم ، پاکستانده گی افغانستان قدیمگی ایلچی سی ، مذاکره لر اساسیده آزاد ایتیلگن یا باشقه اساسده.

اما بیر قنچه گزارش لر گه کوره ، فراهی جنابلری ، خوست ولایتی نینگ بیر منطقه سیده ، افغانستان محلی ملازیم لریگه تاپشیریلگن.

خوست ولایتی نینگ خوف سیز لیک بیر ملازیمی ، بی بی سی بیلن بولگن تماسیده ، عبدالخالق فراهی نینگ آزاد ایتیلیشی نی تایید قیلیب ، او کیشی نینگ کابل گه یوباریلگنی نی ایتگن.