کرزی کیچه تمانیدن حربی عملیات یولگه قوییلیشینی تصدیقله گن

افغانستان جمهور رییسی واشنگتن پست کونلیگیده امریکا کوچلری کیله سی ییل افغانستان دن چیقیب کیتیشی خصوصیده بیرگن صحبتی دن کیین ، امریکا و خلق ارا حربی کوچلر نینگ باش قوماندانی جنرال پتریوس بیلن اوچره گن. اوشبو اوچره شو قریب بیر ساعت دوام قیلیب ، کرزی جنابلری امریکالیک لر کیچه تمانیدن حربی عملیات یولگه قوییش لری نی هم تصدیق لشگن. اوشبو اوچره شوده کرزی جنابلری ، ناتو نینگ افغانستانده بولگن حربی ستراتیژی سیدن حمایت بیلدیرگن. جمهور لیک ریاستی سوزچیسی نینگ مصلحت چیسی رفیع فردوس گه کوره ، حامد کرزی و جنرال دویوید پتریوس جنابلری ، آرسیده ایریم مسئله لر باره سیده اینیقسه ، کرزی جنابلری نینگ اخرگی سوزلری خصوصیده هم سوز یوریتیلدی. فردوس جنابلری گه کوره ، جمهور رییس کرزی ، خارجی کوچلری نینگ باش قوماندانی جنرال پتریوسگه ایتگن کیم خارجی کوچلر تمانیدن یولگه قوییله یاتگن عملیات لرنینگ خلق ایسته مه گن اوشه اوچون اوشبو عملیات لرنینگ آز بولیشی و دقت بیلن یولگه قوییلیشی کیره ک.

شونده ی بیرحالتده امریکا کوچلری ایسه ، طالب لر نینگ سرکوپ قیلیش اوچون کیچه تمانیدن حربی عملیات نینگ یولگه قوییلیشی اوستیگه تاکید قیلیب کیلماقده لر. کرزی و پترویوس جنابلری نینگ اوچره شویده ، خارجی کوچلر نینگ باش قوماندانی ، بونده ی عملیات لر رهبریتی نینگ افغان کوچلری قولیگه بولیشینی کرزی جنابلری گه ایشانچ بیرگن. همده پترویوس جنابلری ، کیچه تمانیدن یولگه قوییله یاتگن عملیات ده ، عادی اهالی نینگ تلفاتی آز بولگنلیگی نی هم ایتگن. اوشبو اوچره شوده اولتیرگن کیشی لر ، کرزی جنابلری کیچه تمانیدن یولگه قوییله یاتگن عملیات لرنینگ دوام تارتیشی نی ایسته مه یراق تصدیق لشگن.

شونده ی بیر حالتده ، گلبدین حکمتیار باشچیلیغیده گی اسلامی حزبی هم افغانستان دولتی همده بو اولکه ده جایلشگن خارجی کوچلر بیلن آتش کیسیم احتمالی بارلیگی اوستیگه سوز یوروتگن. گلبدین حکمتیار نینگ اوغلی حبیب الرحمن بی بی سی بیلن بولگن صحبتیده ، اسلامی حزبی افغانستان دولتی بیلن مذاکره قیلیش شرایط لرینی ایتگن. اوشبو مصاحبه بی بی سی افشا قیله آلمه یدیگن بیر محل ده صورت تاپگن. حبیب الرحمن جنابلری ، دولت بیلن مذاکره قیلیش نی ، خارجی لرنینگ افغانستان دن زمانبندی بولگن بیر حالتده چیقیب کیتیش لری خصوصیده صورت تاپه آله دی دیب ایتگن. همده اسلامی حزبی رهبری نینگ اوغلی ، خارجی لر نینگ افغانستان دن چیقیب کیتیش لری تدریجی شکلده بولیشی نی هم ایتگن . اما باشقه تماندن ، طالبان گروهی ایسه ، افغانستان بیلن مذاکره قیلیش لری نینگ ، بوتون خارجی کوچلر افغانستاندن چیقیب کیتیش لری دن کیین امکانی بار دیب ایتماقده. بو حالتده قرگنده ، افغانستان جمهور رییسی حامد کرزی و خلق ارا حربی کوچلری نینگ باش قوماندانی ، ناتو اعضا سیده بولگن اولکه لرنینگ یغینیده قتنه شیش اوچون لیسبونده کیتدی لر. اوشبو ایککی کونلیک یغینده ، افغان خوف سیز لیک کوچلری گه قنده ی مسوولیت بیریش همده دولت مخالف گروه لری بیلن مذاکره قیلیش برنامه لری اوستیگه بحث بولیشی کوتیلماقده.