50 دن آرتیق عصیانچی افغانستان شرقیده هلاک بولگن

Image caption اوشبو عملیات ، عصیانچی لرنینگ منطقه ده اورته دن ایلتیش مقصدیده یولگه قوییلگن

افغانستان شرقیدن ترقه تیلگن گزارش لر گه کوره ، کنر ولایتیده ملی اردو و ائتلاف کوچلری تمانیدن یولگه قوییلگن بیر هفته لیک عملیات نتیجه سیده 50 دن آرتیق عصیانچی هلاک بولگن لر. کنر ولایتی نینگ پولیس قوماندانی جنرال خلیل الله ضیایی بی بی سی بیلن بیرگن صحبتیده ، اوشبو عملیات کنر نینگ اوته پور و دره پیچ الوسوالیک لریده یولگه قوییلیشی نی ایتیب اوشبو عملیات دن مقصد طالب قوراللی کیشی لر نینگ مذکور منطقه لردن پاکیزه لش دیدی. جنرال ضیایی جنابلری گه کوره ، اوشبو عملیات قریب بیر هفته دوام تارتیب اوتیز تا اوتیز بیش کیشی اوشبو عملیاتده هلاک بولگن. اما ائتلاف کوچلری ایسه بیر بیانات ترقه تیب طالبان گروهی گه علاق دار کیشی لر نینگ هلاک بولگن سانینی 40 دن آرتیق کیشی دیدی. ائتلاف کوچلری گه کوره ، اوشبو عملیات نتیجه سیده ، طالبان نینگ کوزگه کورینر لی درجه ده قورال و یاراق لری هم اوشبو کوچلری قولیگه توشگن. شونده ی بیر حالتده طالبان محلی مخبرلرگه خارجی عسکر لرنینگ اوندن کوپراقی اوشبو عملیاتده اولگنینی ادعا قیلگن لر اما خلیل الله ضیایی ایسه اوشبو عملیات نتیجه سیده اوچ ملی اردو عسکری و بیر ایتلاف عسکری هلاک بولگنینی تایید قیلگن. باشقه تماندن ، کنر ولایتی نینگ دره ی پیچ و اوته پور اولوسوالیگی نینگ یشاوچی لری ، اوشبو عملیات جریانیده ، عادی اهالی گه هم تلفات ایتکیزیلگنی نی اورغوله گن لر اما کنر پولیسی نینگ قوماندانی اوشبو ادعا لرنی اساس سیز دیگن. شونده ی بیر حالتده ، ائتلاف کوچلری ، طالبان گروهی نینگ اون اوچ عضوی ایریم عملیات نتیجه سیده کنر ولایتی نینگ سرکانی اولوسوالیگیده هلاک بولگن خبری نی ترقه تگن لر.

Image caption کنر پاکستان بیلن چیگره دار بولیب مملکت شرقیده اینگ ناقرار ولایت لردن حسابلنه دی

اوشبو کوچلر ، بیر بیانات آرقه لی ، عصیانچی لر ، ائتلاف کوچلری نینگ گیزمه سیده هجوم اویشتیرگن بیر حالده ، اتفاق کوچلری نینگ هوایی هجومیگه یوزمه یوز بولیب نتیجه ده اون اوچ عصیانچی هلاک بولگنینی ایتگن لر. طالبان گروهی حاضر گه قدر بو خصوصده هیچ نیرسه دیمه گن لر. اتفاق کوچلری نینگ اوشبو بیاناتی ده کوره ، اوشبو حادثه توناون یوز بیرگن.