Мултимедиа ўйнаш бу қурилмада дастакланмайди

ناتو:افغانستانده موفقیتگه ایرشماقده میز

افغانستانده گی وضعیت پرتقال پایتختی لیسبن ده باشلنگن ناتو یغین نینگ مذاکره لریده اینگ مهم اوریننی ایگه لماقده.

خصوصا خارجی کوچلرنینگ 2014 ییلگه باریب خوف سیزلیک مسولیت لرینی افغان ملی خوف سیزلیک کوچلریگه تاپشیرلیشی یغین نینگ اساسی موضوع سی .

Image caption ناتو اتفاقیگه اعضا دولت رهبرلری افغانستان ده گی خوف سیزلیک مسولیت لرینی افغان کوچلریگه تاپشریش ریجه سینی محاکمه ایتماقده.

ناتو باش کاتبی اندریس فوغ راسموسین بی بی سی بیلن بولگن صحبتده بیرنیچه ییل مابینیده ناتو نینگ افغانستانده گی رولی اوزگره دی دیب ایتدی.

ناتو افغانستان باره سیده موفقیتگه ایرشه یاتگنینی قید ایتماقده.ییل بویی آلیب بارلگن عکسل عصیانکارلیک هچوملری طالباننی ضعیف لشتیرگن.شوندی ایکن خارجی کوچلری افغانستان دن چیقیب کیتیشسه ، افغان محلی کوچلری بی ملال وضعیت نی ایپلیدی ، دیگن امید ده .

ناتو باش کاتبی اندریس فوغ راسموسن حتی ، کیله سی ییل باشلنه دیگن افغانستانی ترک ایتش ثمره لی کیچه دی دیگن ایشانچده.

"حاضر بیز افغانستانده انیق موفقیت لرگه ایرشه یپمیز.بیز کیرتگن قوشیمچه خلق آرا کوچلروضعیت نی شک سیز اوزگرتیردی.حاضر جنوبده-هلمند و قندهارده هم طالبان تیینچ نقطه لرینی هجومگه توتیب، ایجابی نتیجه لرنی قولگه کیرتدیک،"دیدی ناتو باش کاتبی .

ناتو عصیانکارلرنی کوچسیزلنتریب ، نظارتنی افغان کوچلریگه بیرشگه زمین یرتماقده.اما ینه بیر یانمه –یان کیچه یاتگن واقعی لیک طالبان بیلن مذاکره آلیب باریش حقیده ناتو آچیق گپره یاتگنی یوق.

بیرلشگن مللت لر ایسه چوزلیب کیتگن جنگلردن همه چرچه گنینی ، افغانلر نهایتده اوزلرینی مستقل حس قیلیشلری ضرور لیگنی ایته یاتر.

خارجی لر چیقیب کیتیشی بیر مساله ، اما وضعیت نی افغان کوچلریگه قنچه لیک باشقره آله دی لر-بو باشقه بیر مساله .

"افغانلرجنگچی لر.اولرنینگ یخشی عسکر لیگنی تاریخ هم اثابتله گن.غرب اویله گنچه لیک بولمسه هم ، ایش قیلیب ، ینگلیشمیدی.حاضر اولرنینگ سانی 140 مینگگه ایتدی.انچه یخشی تیارگرلیک کوریشدی.،"دییدی بیرلشگن مللت لر تشکیلاتی نینگ افغانستانده گی وکیل استیفن دی مستورا.

لیکن افغانستان نینگ کوپلب حدود لریده امان قانونگه قبول قیلمیدیگن قوراللی لر حکمران.مخدر ماده لرنی نظارت قیله دیگن گروه لر ایشلیدی.مافیا کوچلی.

خارجی کوچ لرنینگ چقیشیدن خواطرکاتته .اما قالیشی هم ناراضلیکلرگه ایتکلماقده.باسم آستیده قاله یاتگن حامد کرزی ایسه حتی ناتو حربی عمللری عادی آدملر حیاتیگه سلبی تاثیر ایتیشنی کمی تیرسن، و عموما حربی عمللرنی قیسقرتیرسن دیب چیقماقده. بو ایسه اوز اورنیده ناتونی هم کوپ طرفلمه باسم آستیگه قویشی ممکن.

ناتو ایسه مملکت خوف سیزلیک مسولیت نی 2014 ییلگچه افغانلرگه تاپشریشنی ریجه لماقده.

بوحقده تیارلنگن لوحه نی تینگلینگ.