فرهاد دریا نینگ هلمنده کی کنسرتی

شهرتلی اشلوچی فرهاد دریا صلح کاروانی اتی بیلن هلمند ولایتیده کنسرت یولگه قویدی.

دریا جنابلری بوندن آلدین ادم لرنینگ تینچلیکگه ترغیب قیلیش مقصدی بیلن افغانستان نینگ تورلی ولایتلریده شوکبی کنسرت یوله قویشینی ایتگن ایدی.

اوشبو کنسرت جمعه کونی هلمند ولایتی نینگ مرکزی لشکر گاه شهریده یولگه قویلدی ونیچه مینگ انسان اشتراک ایتگن ایدی.

فرهاد دریا بوندن قریب ایککی ای الدین هرات ولایتیده هم ( حیات گوزل ) آتی بیلن بویوک بیر کنسرت یولگه قویگن ایدی.

اوشبو کنسرت ناقرار لیکلرگه گواه بولیب کیلگن هلمند ولایتی نینگ اهالیسی اوچون ینگی لیگی بولگن.

هلمند افغانستان بویلیب اینگ ناتینچ ولایت لردن بیری سنله دی. هرچند بو ولایتده مینگلب چیت ایللیک کوچلری جایلشگن ، لیکن شوندی بولسه هم طالبان نینگ اساسی مرکزی بولگن دیب کورسه لنماقده.

بی بی سی پشتو خذمتی مخپری عزیز شفیع نینگ ایتیشگه کوره فرهاد دریا نینگ اوشبو کنسرتی قتیغ خوف سیزلیک چاره تدبیرلر بیلن یولگه قویلگن، اونگه کوره کنسرت کونیده لشکرگاه شهری نینگ ایریم تورت یوللریده نظارت نقطه لری اورنه تیلگن ایکن.

معلومات لرگه کوره اوتگن ایگرمه ییلدن بیری حاضرگه چه هیچ بیر تنیقلی اشلاوچیلر ناتینچ هلمند ولایتیده شونگه اوخشه گن کنسرت اوتکزمه گن ایکنلر.

مخپرلرگه کوره اوشبو ولایتده کی محلی قوشیقچیلر فقط گینه خوشلیک و طوی مراسم لریده قوشیق اوقیش بیلن چیگره لنیب قالگن وخلاص.

ناتینچلیک مردم نینگ عنعنه پرست لیگی ایسه موسیقه نینگ اوشبو ولایتده رواجلنمی قالگنینگه سبب بولگنی ایتیلماقده.