روی خطدن چیقاریلگن نامزدلرنی قانیقتریش کیره ک

افغانستان عالی کینگاشی نینگ ریسی رای لری بیکار ایتیلگن 19 نامزاد وکیل لر نینگ اسم لری سیلاو روی خطی دن آلیب تشلنگن لیگی خصوصیده تاثیر لنگن لیگی نی ایتدی .

دستلبکی نتیجه لر اساسیده یوتوققه ایریشگن حاضرگی ملت نماینده لریدن 7 کیشی هم اوشبو نامزاد لر آره سیده موجود.

محمد یونس قانونی گه کوره افغانستان مستقل سبلاو کمیسیونی مسول لری سیلاو قانونیگه موافق اوشبو نامزاد لر نی قناعت لنتیریشی کیرک.

بو کبی سوزلر بعضی بیر نامزاد وکیل لررای لری، سیلاو شکایت لری کمیسیونی تمانیدن بیکار ایتیلگنی دن سونگ کیلیب چیقماقده.

نماینده لر کینگاشی نینگ بوگونگی ییغیلیشی هم هر دایمگی دیک قره مه قرشی لیک لر بیلن بولیب اوتدی.

بوگونگی ییغیلیشده نماینده لر کینگاشی اعضا لریدن بیز آز قتنشگن بولسه ده لیکن اولر دن بیر قنچه سی افغانستاندن خارجی کوچ لر چیقیب کیتیشی خصوصیده اوز فکر لرینی بیلدیردی لر.

بعضی لری ایسه دستلبکی نتیجه روی خطی دن آلیب تشلنگن 19 نامزاد وکیل لر خصوصیده اعتراض بیلدیردی لر.

افغانستان نماینده لر مجلسی نینگ حاضرگی وکیل لریدن 7 کیشی اوشبو 19 کیشی آره سیده موجود بولیب اولر نینگ اسم لری هم ، شکایت لر کمیسیونی آرقه لی قلاب کارلیکده عیب لنیب روی خطدن آلیب تشلنگن.

سمنگان ولایتی اهالی نماینده لریدن بیری احمد خان ، بوگونگی ییغیلیشده قتنه شیب شکایت لرنی ایشیتوچی کمیسیون دن انتقاد قیلیب اولر نینگ قراری شخصی عقده لر اساسیده لیگینی ایتیب اوتگن.

شوندی بیر حالتده برچه وکیل لر بو خصوصده نظر بیلدیرگن بولمه سه ده لیکن عالی مجلس ریسی محمد یونس قانونی بو خصوصده تاسف بیلدیرر ایکن کمیسیون مسول لری اساسی قانون بوییچه اوشبو وکیل لرنی قناعت لنتیریشی لازم لیگینی ایتگن.

بو حالتده قرگنده مستقل سیلاو کمیسیونی ، بوندی عیب لرگه رد جوابینی بیرگن. اوشبو کمیسیون مسوولری هر قنده ی قلاب کارلیک یا که تخطیده سیاسی حلقه لرنینگ قولی بارلیگی نی رد ایته دی .

اوشبو کمیسیون سوچی لریدن بیری تابش فروغ مونده ی عیبلاولرنی اثبات لاوچی دلیل بولیشی لازم لیگی نی ایتگن.

افغانستان مستقل سیلاوی دن ، ایککی آی دن کوپراق وقت اوتگن بولیب ، اعلام بولگن نتیجه لر کورسه تیشیچه ، ایککینچی مجلس نماینده لریدن 50 فایزی ینگی چهره لر دیر.

پارلمان نینگ بیر قنچه اعضا لریگه کوره ، ینگی پارلمانده یول تاپگن کوپ گینه کیشی لر بوندن آلدین جهادی گروه لر بیلن علاقه سی بولگن شخص لر یا که حکومت سیاستی گه قرشی بولگن کیشی لر دیراوشبو شخص لر نقطه ی نظریدن بوندی آدم لرنینگ نماینده بولیب پارلمان گه کیلیش لری ، دیموکرات یا که تکنوکرات آلیب تشلش بولیب ، بیر تما ندن اوز لری ایسته گن قانون لرنی تصدیق لش بولسه ایککینچی تماندن ، حکومت نی باسیم آستیگه آلیش دیب ایته دیلر.