سیلاولر کمیسیون تورت اعضا سی قانون بوزرلیککه عیبلندی

باش قاره لاوچی اداره سی مستقل سیلاولر کمیسیون و شکایت لرنی تیکشروچی کمیسیون اعضالریدن تورت کیشی نینگ احضار قیلیشینی پلیس کوچلریدن طلب قیلگن.

مستقل سیلاولر کمیسیون نینگ سوزچیسی نور محمد نور و شکایت لرنی تیکشروچی کمیسیون سوزچیسی احمد ضیا رفعت قاره لاوچی اداره سیده چقریلگن کیشی لرجمله سیگه بولگن.

شونینگ دیک شکایت لرنی تیکشروچی کمیسیون نینگ تحقیقات بولیمی مسوولی و مستقل سیلاولر کمیسیون نینگ اطلاعات وتخنیکی مسوولی هم قاره لاوچی اداره سی تمانیدن احضار قیلنگن.

قاره لاوچی اداره سی نینگ اورین باسری رحمت الله نظری اوشبو تورت کیشی نینگ قلاب کارلیک، اوز لوازملریدن سوی استعمال قیلیش همده اداری فساد و قانون نینگ ایاغ آستی ایتگن لیک لریگه عیبله گن.

لیکن هر ایکله کمیسیون نینگ سوزچیلری مطبوعات فعاللری بیلن بولگن صحبت لریده پارلمانی سیلاوگه عاید معمالر خصوصیده تحقیق قیلیش اوچون چقریلگن بولسه لر، قاره لاوچی اداره سیگه حاضربولیش لرینی ایتگن لر.

اوتگن کون قاره لاوچی اداره سی ایککی صراف قوشیمچه بیش کیشی نینگ سیلاو نتیجه سیگه قول اورگندیب اولرنینگ حیبسگه الینگنینی معلوم قیلگن ایدی.

عینی حالده مسوول کیشی اولر اوستیدن تحقیقات اوتکزیلیشینی تاکیدله گندی.

Image caption مستقل سیلاولر کمیسیون نینگ سوزچیسی نور محمدنورگه کوره قاره لاوچی اداره سی اولرگه قرشی سیاسی عمل قیلماقده

قاره لاوچی اداره سی هرایکله کمیسیون نینگ تورت اعضاسینی اوز صلاحیت لریدن سوی استعمال قیلیش، اداری فساد ، قلاب کارلیک لر گه قولی بولگنیگه عیب لر ایکن، لیکن شکایت لرنی تیکشروچی کمیسیونی همده مستقل سیلاولر کمیسیونی قاره لاوچی اداره سی سیلاو مسله لریگه اره له شیش نیتیده بولسه، قاره لاوچی اداره سیده حاضر بولمس لیک لرینی تاکیدله گن.

مستقل سیلاولر کمیسیون سوزچیسی نور محمد نور قارلاوچی اداره سی نینگ اولرگه قرشی سیاسی عمل قیله یاتگنیگه عیبلب چیققن. اما احمد ضیا رفعت اعتراض بیلدیرگن ایریم نامزدلر باسیمی قاره لاوچی اداره سی نینگ بو عملگه قول اوریشگه مجبور قیلگن دیگن.

قاره لاوچی اداره سی اولرنینگ احضارقیلیش بویوروغی پلیس کوچلریگه بیریلگنینی ایته دی لیکن شکایت لرنی تیکشروچی کمیسیون و مستقل سیلاولر کمیسیون اعضالری حاضرگه چه بوخصوصده هیچ قندی مکتوب ایتیب کیلمه گنینی ایتگنلر.