مخدره ماده لرگه قرشی کوره شیش برنامه لری

افغانستان دولتی مخدره ماده لرگه قرشی کوره شیش برنامه لرنی کوریب چیقیش اوچون اوشبو اولکه نی اون تورت ولایت حاکمی و ایریم امنیه قوماندانلرنی کابل گه چقرگن.

یولگه قویلگن یغینده ولایت حاکملری و بیرقنچه پلیس باشلیغی لری کیله جکده قندی برنامه لر یولگه قویلیشی ثمره لی بولیشینی محاکمه قیلگن لر.

معلومات لرگه کوره اوشبو یغینده مخدره ماده لرگه قرشی کوره شیش اوچون ، خلق نی اگاه لنتریش ، ظرفیت نینگ یوکسلتریش، دهقانلرگه یاردم بیریش کبی برنامه لر عملگه اشریلیشی تاکیدلنگن.شو اساسده دهقانچلیک بیلن بندن بولگن کیشی لرگه باغدارلیک شغلینی احیا قیلیش اوچون تولیق اعتبار قره تیله دی.

افغانستان ایچکی ایشلر وزیرلیگی نینگ مخدره ماده لرگه قرشی کوره شیش اورین باسری بازمحمد احمدی اوتگن سککیز ای جریانیده تریاک ایکیلگن15 مینگدن ارتق جریب ییرنی ویران ایتیلگنینی اورغوله دی

شونگه قوشیمچه قیلیب او، مخدره ماده لرگه قرشی کوره شیش اوچون خلق ارا ومنطقه بویچه همکارلیک لر گه جدی نیاز بارلیگنی ایتدی.

عینی حالده اینگ کوپ تریاک ایکله دیگن هلمند ولایتی نینگ حاکمی گلاب منگل یولگه قویلگن برنامه لر اساسیده تریاک کشتی نینگ اوشبو ولایتده ییللیک فایز کمیگنینی اورغولب لیکن ارتیق صلاحیت بیریلمه گنیدن شکایت بیلدیردی."صلاحیت ومسوولیت اره سیده تینگ لیک یوق، مسوولیت لرگه کوره ولایت حاکملریگه صلاحیت بیریلیشی کیره ک، اکثر پروزه لر کابل ده قرارداد بولیب اوچینچی وتورتینچی قولگه آوشیب کیین اوشبو پروزه ولایتده تطبیق بوله دی باشقه تماندن ایسه ولایت خادملرینی تعین لش خصوصیده هم بیزگه صلاحیت یوق بو بیزنینگ اساسی مشکل میزنی تشکیل بیره دیدی" منگل جنابلری.

باشقه تماندن ایسه هرات ولایتی نینگ حاکمی داود سبا مخدره ماده لرگه قرشی کوره شیش اوچون همه ولایت لرگه تینگ بودجه اجره تیلمه گندیب اوشبوولایت ده کون ساین معتاد لر سانی ارتیب باره یاتگنیدن خواطر اظهار ایتدی.

شونگه قوشیمچه قیلیب یغین اشتراک چیلری بودجه ازلیگی حاکم لر صلاحیت لرینی چیکله نیشی نه فقط مخدره ماده لرگه قرشی کوره شیش بلکه تورلی ساحه لرده معما توغدیریشی ممکن لیگینی اورغوله دیلر.

شونینگ دیک بیرلشگن ملت لر تشکیلاتی نینگ مخدره ماده لرگه قرشی کوره شیش اداره سی نینگ مسوولی یوری فیدو توف بوکونگی اوتکزگن مطبوعات انجمنیده مخدره ماده لرگه قرشی کوره شیش اوچون کینگ خلق ارا استراتیژی گه نیاز بارلیگینی تاکید له دی .

افغانستان دولتی دنیاهم جمعیت مملکت لری نینگ همکارلیگی بیلن تریاک کشتی ومخدره ماده لرسوداسینی الدینی الیش اوچون تورلی خیل برنامه لرنی یولگه قوییب کیلماقده، لیکن شوندی بولسه کوکنار کشتی و مخدره ماده قاچاقی اینگ اساسی معما صفتیده کورینه دی.

رسمی معلومات لرگه کوره توقسن سککیز فایز تریاک، امنیت یخشی بولمه گن جنوب غربی حدودلریده ایشلب چیقاریله دی .

حاضرگی کونده ایسه افغانستان نینگ ایگرمه ولایتی تریاک کشتی دن صفربولیب باشقه تورت ولایت هم صفر بولیشی کوتیله دی.