پاکستان وافغانستان رهبرلری نینگ اوچره شوی

افغانستان وپاکستان رهبرلری کابلده اوتکزگن قوشمه مطبوعات انجمنیده ایکله تمانلیک همکارلیک لرنی کوچیتریلیشینی تاکیدله دیلر.

اوشبو ایککی مقام اوز صحبت لریده تروریزم گه غلبه قازانیش اوچون قوشمه فعالیت لرگه جدی نیاز بارلیگینی تاکیدله دیلر.

افغانستان جمهورریسی حامدکرزی افغانستان توپراغیدن پاکستان گه قرشی استعمال قیلینیشگه هیچ بیرزمان ایزین بیریلمس لیگینی ایتدی.

شونینگ دیک کرزی جنابلری افغانستان امنیتینی بوزیش اوچون پاکستان توپراغیدن هم استعمال بولمس لیگینی طلب قیلدی .

همده جمهورریس کرزی، پاکستان وافغانستان اره سیده ایشانچ موجود دیب بو اولکه لر اره سیده بولگن علاقه لرنی سونگی پیتلرده کوچیگنینی ایتدی.

عینی حالده پاکستان باش وزیری سید یوسف رضا گیلانی پاکستان دولتی نی هم تروریزم قربانی دیب، تروریزمگه قرشی کوره شیش اوچون قوشمه همکارلیک لرنی کوچیتریلیشیگه تاکید قیلدی."افغانستان پاکستان نینگ حمایت سیزلیگی بیلن هیچ بیر اوریشده موفق بوله المیدی، کرز نینگ اییتشگه کوره بیز هم تروریزم قربانی مییز، حاضرگه قدر منگلب عسکرلری میز تروریزمگه قرشی کوره شیش گه هلاک بولگن، سیاستچی لر ی میز نشانگ الینه دی، شوندی افغانستان تروریزمدن رنچ ییلته دی پاکستان عینی مسله گه گرفتار شو اوچون ایککی اولکه نی قوشمه فعالیت الیب باریش لری لازم دیدی" یوسف رضا گیلانی.

شونگه علاوه افغانستان جمهورریسی بو ایککی قوشنی اولکه معماسینی باشقه هیچ بیر اولکه حل قیله المیدی دیدی همده او، موجود معماگه کوره شیش ایکله دولت نینگ اساسی بورچی دیب فکر بیلدیردی.

شونگه قوشیمچه قلیب کرزی جنابلری پاکستان دولتی نینگ طلبی اساسیده بیرقنچه افغان ظابط لری نینگ حربی تیارگرلیک لردن اوتیش اوچون پاکستان گه یوباریلشینی معلوم قیلدی.

باشقه تماندن ایسه پاکستان باش وزیری یوسف رضا گیلانی ویکی لیکس ده ترقه تیلگن افغانستان ده کی ناتینچ لیک لرگه پاکستان استخبارات اداره سی نینگ قولی بولگن دیگن خبرنی رد ایتیب چیقدی.

اوتگن بیرنیچه ییل جریانیده افغانستان وپاکستان دولت لری نینگ دیپلوماتیک علاقه لری تورلیچه بولیب کیلگن چونکی بعضا افغان رسمیلری ترورچی و عصانچی گروه لرنینگ پاکستان چیگره لریدن اوتیب کیله یاتگنینی ادعا قیلیب بوخصوصده پاکستان دولتی نینگ عیبلب کیلگن، عکسینچه پاکستان دولتی هم عینی ادعالر بیلن چیققن.