خلق ارا شفافیت: دنیا کوپراق فسادگه باتگن

اداری فساد
Image caption اداری فساد دنیا ده اینگ کوپ بحث ایتیلوچی معما گه ائیلنگن

ینگی ترقه تیلگن بیر خلق ارا حسابات گه کوره ، دنیا اوچ ییل آلدین گه کوره انچه فاسد راق مکان گه ایلنگن.

خلق ارا شفافیت تشکیلاتی تمانیدن سوراو ایتیلگن لر دن 56% اولکه لری نینگ کوپراق فساد گه باتگن لیگنی ایئتکن.

دنیا نینگ 86 دولتیده 90000کیشی آره سیده سوراو اوتکزگن خلق ارا شفافیت تشکیلاتی گه کوره بوتون دنیا ده اداری فساد بیلن باغلیق احوال یمانلشگن.

هر 10 اشتراکچیدن 6 نفری اداری فساد اوتگن اوچ ییل ایچیده جدی توس آلگنینی بیلدیرگن.

هر تورت قتنشوچیدن بیتته سی ایسه، یقیندهگینه کیمگه دیر، اینقسه، کوپراق پلیسگه رشوه بیرگن.

خلق ارا شفافیت تشکیلاتی نینگ سوراوویده افغانستان، نایجیریا،عراق و هندوستان دنیا نینگ اینگ فسادگه باتگن دولتلری دیب تاپیلگن.

اداری فساد اینگ کوپ بحث ایتلگن معما

عینی پیتده بی بی سی جهان خذمتی بویورتمه سی اساسیده اوتکزیلگن ینگی بیر سوراو ده ایسه ، عیان بولیشیچه ، اداری فساد دنیاده اینگ کوپ مباحثه ایتیلوچی جهانی معماگه ائیلنگن.

سوراوو دنیا ننیگ 26 دولتیده شو ییل نینگ جون و سپتامبر آیلری آره لیغیده 13000 دن آرتیق کیشی آره سیده آلیب باریلگن.

اگر سوراو نتیجه لریگه قره لسه ، اشتراکچیلر نینگ 20 % اوتگن آی عایله اعضا لری و دوستلری بیلن فقط اداری فساد حقیده گپلشگن.

اداری فساد-جهانی اقلیم اوزگریشی ، قشاقلیک، آچلیک، ایشسیزلیک و آذوق -آوقت و یاقیلغی نرخلرینینگ کوتریلیشی کبی جهانی معمالرنی آرتده قالدیریب ، همده نینگ تیلیده گی دردیگه ائیلنگن.

بو کبی حالت کوپراق دنیا نینگ رواجلنه یاتکن دولتلریده ، جمله دن کنیا ، نایجیریا ، اندونیزیا و هندوستان کوزه تیلگن

اما تیالیا ، اسپانیا و کانادا کبی جهان نینگ اقتصادی رواجلنگن ممکلتلری هم بو مسئله ده بیر چیتده قالیشمه گن.

سوراوو قتنشچیلریدن، شونینگدیک ف 14 ته جهانی معما دن قه ی بیرینی جدی دیب بیلیشلری هم سورلگن.

بیریلگن جوابلر تحلیل قیلینگن ده ، جدیلیک جهتیدن اداری فساد ایککینچی اورینده کیلگن. اشتراکچیلر نینگ 68% اداری فساد دنیاده گی اینگ جدی معما دییشگن.

اما فقط 1% کوپراق فرق بیلن قشاقلیک دنیاده گی اینگ دالضرب جهانی معما دیب تاپیلگن.