آلمان باش وزیری نینگ افغانستانده کی سفری

المان باش وزیری خانم آنگلا مرکل آلدین دن بیلدیریلمه گن سفر بیلن اوشبو اولکه عسکرلرینی کوریش اوچون شمال شرقی قندوز ولایتیده سفر قیلگن.

خانم مرکل قتیغ امنیتی چاره تدبیرلر بیلن قندوز ولایتیده کیریب بارگن.

اونینگ سفری حقیده آرتیق معلومات بیریلمه گن، لیکن آنگلا مرکل قندوز شهریده باریشی بیلن ایساف کوچلری نینگ قیته قوریش بولیمی مرکزیده بارگن.

ایساف کوچلری نینگ قندوز ده کی قیته قوریش بولیمی المان کوچلری گه باغلیق دیر.

آلمان دولتی نینگ 4700 عسکری افغانستان ده بولیب اوشبو کوچلرایسه مملکت نینگ شمالی حدودلری اینیقسه قندوز ولایتیده فعالیت آلیب باره دیلر.

المان باش وزیری حاضرگی سفری قوشیمچه اوچ مرته افغانستانده سفر قیلگن.

معلومات لرگه کوره المان دولتی نینگ مدافعه وزیری کارل تیودورکوتنبرگ و قوراللی کوچلر رهبری ولکرویکر عینی سفرده خانم مرکل بیلن بیرگه بولگن.

افغانستانده حربی کوچی بولگن دولت رهبرلری هرییل کرسمس آستانه سیده بو اولکه ده سفر قیلیب اوز عسکر لری بیلن اوچره شه دی.

بوندن آلدین هم امریکا جمهورریسی باراک اوباما کوتیلمه گن بیر سفریده افغانستانده کیلیب بگرام ده کی امریکا لیک عسکرلری بیلن اوچره شدی.