افغانستان شمال شرقیده طالبان نینگ ایککی مهم قوماندانی هلاک ایتیلدی

شمال شرقی تخاروقندوز ولایت لریده یوز بیرگن توقنه شولرده طالبان نینگ ایککی مهم قوماندانلری هلاک بولگن همده پلیس کوچلری هم جانی تلفات کورگن.

تخارولایتی نینگ خواجه بهاوالدین ولسواللیگینی مومن آباد دیب اتلگن منطقه سیده طالبان عصیانچی لری وپلیس کوچلری اره سیده قتیغ توقنه شولر یوزبیرگن.

رسمیلرگه کوره اوشبو توقنه شو جریانیده طلبان نینگ محلی قوماندان لریدن بیر هلاک بولگن همده توقنه شوده ایککی پلیس هم قربان بولگن، لیکن طالبان سوزچیسی اوریش نینگ رد ایتیب اوچ طالب انتحاری هجوم اویشتریب نیتجه ده پلیس کوچلریگه اغیر تلفات ایتکزیلگنینی ادعا قیلگنلر.

افغانستان شمال شرقیده جایلشگن تخارولایتی نینگ تاجکستان بیلن چیگره داش بولگن بیرنیچه تومنیده طالبان عصیانچی لری نینگ انچه فعال بولگنی تاکیدلنماقده.

شواوچون هم بیرقنچه قوشمه حربی عملیاتلر یولگه قویلدی.

شونینگ دیک قندوز ولایتی نینگ چهاردره ولسوال لگیده یولگه قویلگن قوشمه حربی عملیات ده اوشبو ولایت حاکمی دیب، طلبان تمانیدن تانشتریلگن مولوی بهادر نینگ هلاک ایتلگنی ایتیلگن.

قندوز رسمیلری عملیات جریانیده هلاک ایتیلگن مولوی بهادر نینگ اوچ یولداشینی هم حیبسگه الینگنینی ایتگنلر

ایککی کون الدین هم قندوز ولایتی نینگ گورتپه منطقه سیده خارجی وافغان کوچلری تمانیدن حربی عملیات یولگه قویلیب بیرنیچه چیت اییللیک عصیانچی لرنینگ قربان بولگنی ایتیلگن ایدی.