اسلام مدنیتی پایتختی غزنی نی قیته قوریش ایشلری باشلنگن

افغانستان مدنیت وزیرلیگی مقام لری غزنی ولایتی ده کاشی کارلیک صنعتی نی قیته رواجلنتیریش اوچون اوشبو ولایت ده بیر کارخانه ایجاد اییتیله یاتگنی نی ایته دی.

شو بیلن بیرگه غزنی ولایتی محلی مقام لریگه کوره اسلام دنیا سی نینگ مدنیت پایتختی نی قیته قوریش اوچون تاریخی عابده لر نی تعمیرلش ، مرمرلشتیریش همده سرسبز لشتیریش اوچون بیر قطار برنامه لر یولگه قوییلماقده .

بیراق شوندی بولسه ده 2013 ییلده اسلام دنیا سی نینگ مدنیت پایتختی صفتیده سیلنگن غزنی ولایتی نی قیته قوریش ایش لری خصوصیده بولگن اعتراض لر یوقاری درجه ده دیر.

غزنی ولایتی نینگ بیر قطار یشاوچی لری اسلام دنیا سی نینگ مدنی پایتختی غزنی نی قیته قوریش ده مسول شخص لر ایترلی اهمیت قره تیلمه یات گنی دن شکایت قیلر ایکن بیراق افغانستان دولت مقام لری اوشبو موضوع یوزه سیده بیر قطار پروژه لر نی غزنی ولایتی نینگ عمومی وضیعت نی یخشی لش اوجون یولگه قویه یاتگن لیک لرینی ایته دی لر.

افغانستان مدنیت وزیری سید مخدوم رهین گه کوره حاضر گی کونده اوندن آرتیق تاریخی عابده لر نینگ مرمر تاش بیلن قیته ایشلش ایشلری عملی شکلده یولگه قوییلگن.

شو بیلن بیرگه رهین جناب لریگه کوره کاشی کارلیک صنعتی نی قیته رواج لنتیریش اوچون تیز آره ده اوشبو ولایت ده بیر کارخانه ایجاد ایتیش کوزده توتیلگن.

رهین جناب لریگه کوره بو کارخانه امریکا قوشمه ایالات لری نینگ مالی یاردمی اساسیده یولگه قوییله دی.

شو بیلن بیرگه غزنی ولایتی نینگ حاکمی موسی اکبر زاده گه کوره کابلده جایلشگن بعضی بیر ایلچی خانه لر 2013 ییل نینگ باشلنیش عرفه سیده شهر ایچیده گی یول لر ، سو سیستمی همده دینی مرکز لر نی قیته قوریش ده یاردم ایتشگه وعده بیرگن لر.

شوندی بیر حالتده غزنی ولایتی حاکمی گه کوره منه شو موضوع یوزه سیدن اینقسه شهر همده ولسوالیک لر نی بیرلشتیروچی یول لر نی تعمیر لش ایشی باشلنگن. بیراق باشقه ایش لر کیله سی ییل نینگ بهاریدن باشلنه دی.

شوندی بیر حالت ده ایسه غزنی ولایتی زراعت بولیمی ریسی سلطان حسین عباس یار گه کوره میلادی 2013 ییل آستانه سیده شهر سرسبز لیگینی آشیریش مقصدیده نهال لر ایکیش برنامه سینی یولگه قویگن لر.

عباس یار جناب لریگه کوره قرییب بیر میلون کوچت غزنی ولایتی تیچه لیک لریده اورنه تیلیشی ک.زده توتیلگن بو برنامه حاضر یولگه قوییلگن بولیب کیله سی بهار آییگه قدر دوام ایتهدی

غزنی ولایتی زراعت ریسی گه کوره 300 مینگ دالر دن آرتیق راق اوشبو ولایت تیپه لیک لریده کوچت لر ایکیش اوچون اجره تیلگن همده یوزلب آدم لر ایشگه آلینگن حاضز ایسه 400 کیشی کوچت لر ایکیش همده اولر نی سوغاریش بیلن شغلنماقده.

غزنی ولایتی میلادی 2007 ییل اسلامی دولت لر تمانیدن 2013 ییلده اسلام دنیا سی نینگ مدنیتی پایتختی صفتیده تعیین ایتیلدی.

افغانستان دولت مقام لری بو قرار اعلان بولگنی دن کیین غزنی ولایتی نینگ تشقی کورینیشی نی اوزگرتیریش همده تارخیخی عابده لر نی مر مر لشتیریش اوچون وعده بیر گن لر

افغانستان دولتی کابینا اعضا لری غزنی ولایتی گه قیلگن سفرلری چاغیده غزنی ولایتی نی قیته قوریش ده 200 میلیون دالر نی اوز ایچیگه آله دی دیب ایتگن ایدی لر بیراق ایتیلیشیچه فقط گینه بیر نیچته تاریخی عابده نی قیته قوریشده 2 میلون دالر خرجتی بیلن باشلنگن.

کورینیشیچه کوپگینه تاریخی عابده لر شو جملده دن غزنوی لر سلسله سیگه تیگیش لی بولگن عابده لر اورته دن کیته دیگن حالتده دیر.

غزنی ولایتی نینگ بعضی یول لری هلی هم اسفالت ایتلمی بلکه توپراق لی شکلده دیر.

شو بیلن بیرگه اوشیبو ولایت یشاوچی لری نینگ کوپگینه سی سو همده برق کبی اینگ بیرینچی امکانیت لرگه ایگه ایمس .