ایرانگه قرشی تورتینچی ناراضیلیک نمایشی

کابل نینگ اونلب اهالیسی ینه بیر بار ایران حکومتی افغان لر نینگ یاقیلغی ماده لر تانکرلرینی تاخته تیب قویگنی همده اوشبو اولکه ده افغان محبوس لر نینگ اعدام ایتیش حال لری دوام ایته یاتگنی نی قاره لب چیقگن لر.

اوشبو ناراضی لیک نمایشی ایران حکومتی گه قرشی اون کون ایچیده یولگه قوییلگن تورتینچی نمایش دیر.

بوگونگی ناراضیلیک نمایشی افغانستان ده گی بیردم لیک حزبی تمانیدن یولگه قوییلدی .اوشبو نمایش چی لر ایران حکومتی نی بیرلشگن ملت لر تشکیلاتی همده انسان حقلریدن مدافعه ایتوچی قانون لر نی بوزیشده عیبلب چیقدی لر .اوشبو ناراض نمایش چی لر ایران حکومتی افغان لر گه تیگیشلی بولگن یاقیلغی ماده لر تانکرلرینی چیگره دن اوتکزیش همده اوشبو اولکه ده افغان محبوس لر نینگ اعدام ایتیلیشی تاخته تیلیشینی استب چیقدی لر.بو حقده بیردم لیک حزبی نینگ باشلیغی داود رزمک گپیره دی .

"بوگونگی ناراض لیک نمایشی اسلامی ایران حکومتی نینگ قوپال عمل لریگه قرشی دیر.چونکی اولر هنوز هم انفرادی شکلده اعدام ایتیشنی دوام بیرماقده لر .بیزنینگ بیر قنچه عادی یورتداش لریمیز چیگره دن اوته یاتگن پیتده اولر نی نشانگه آلگنلر. اولر قاچاقچی بولمه گن و هیچ قندی یمان نیتلری هم بولمه گن.افسوس کی بیز نینگ فاسد دولتی میز هم اولردن بو حقده هیچ قندی سوریشتیرمه گن"

ناراض نمایش چی لر افغانستان حکومتی همده دنیا هم جمیعتی مملکت لریدن ایران حکومتی نی خلقرا ترانزیت قانونلری همده انسان حقلرینی رعایت ایتیشگه مجبور قیلیشینی سوره دی لر.

ناراض نمایش چی لر ایران حکومتی مقاملری نینگ رسم لرینی ایرتیب تشلب کابلده گی ایران ایلچی خانه سی نینگ لوحه سیگه تخم و هر خیل بویاق لر نی سیپدی لر.

شوندی بیر حالتده کابل شهریده گی خصوصی عالی بیلم یورتی اوقوچی لری هم عین ناراضی لی نمایش لرینی یولگه قویگن لر .

بوگونگی ناراضی لیک نمایشی سونگی بیر یریم هفته ایچیده کابلده ایران حکومتیگه قرشی یولگه قوییلگن تورتینچی ناراضی لیک نمایشی دیر.

بوندن بیر نیچه آی آلدین مخدره ماده لر قاچاغیده قولگه آلینگن افغان محبوس لری نینگ ایران ده اعدام ایتیله یاتگنی خصوصیده گی خبر لر مطبوعات آرقه لی اعلان بولگنی دن سونگ افغانستان نینگ تورلی ولایت لریده ایران حکومتی گه قرشی ناراضی لیک نمایش لری بولگن ایدی .

شوندی بیر حالتده افغانستان حکومت اوشبو موضوع نی حل ایتیش اوچون ایران مقام لری بیلن دیپلوماتیک علاقه لر آرقلی یولگه قوییب کیله یاتگنی نی ایته دی بیراق ایران حکومتی افغانستان گه قنچه مقدارده گاز همده تیل کیره ک لیگی نی اعلام ایتسین دیب سوره گنی نی رد ایتگن.

اگر اوشبو قیین چی لیک علاجی باریچه تیزراق حل ایتیلمه سه بو قیینچی لیک لر باشقه موضوع لر گه یایلیب کیتیب هر ایککی اولکه آره سیده قیین چی لیک توغدیریشی ممکن دیگن خواط لر موجود.