امریکا قوراللی کوچلری نینگ باش قومندانی"افغانستان ده گی حربی یوتوق لر ثبات سیز"

امریکا قوشمه ایالاتی نینگ اینگ عالی مقاملریدن بیری ،2011 ییل افغانستان ده گی زوروانلیک لر کوچه یه دی دیب آگاه لنتیرگن.

امریکا قوشمه قوراللی کوچلری نینگ باش قوماندانی جنرال مایک مولن ، طالب لر نینگ رهبرلری نا قرار بولگن هلمند همده قندهار ولایت لریدن چیقاریلگن بیراق افغان همده خارجی کوچ لر نینگ یوتوق لری ثبات سیز دیب ایتگن.

افغانستان ده گی خارجی کوچ لر 2010 ییل سونگی همده 2011 ییل نینگ باشیده یوقاری سانده گی تلفات نی بیریش بیلن یوزمه یوز بولگن.

امریکا قوشمه ایالاتی افغانستان ده گی حربی کوچلرینی جاریی ییل نینگ اورته یریمی دن باشلشنی نظرده توتگن بیر پیتده اوشبو اولکه ده گی اوریش لر کوچلنیشی ممکن دیگن خواطر انچه آشیب بارماقده .

جنرال مولن واشنگتن ده گی مطبوعات چی لر بیلن بولگن صحبتیده :"قنچه قیین بولمه سین بیز کیله جکده گی آی لر ده زوروانلیک لر آشیشی همده تلفات سانی کوپییشیگه تیار بولیشیمیز کیره ک ."دیب ایتگن.

امریکا قورال لی کوچ لری نینگ باش قومندانی :"2011 ییلده افغانستان نینگ کوپ منطقه لری ده زوروان لیک لر 2010 ییلده قره گنده کوچلی بوله دی." دیب قوشیمچه قیلگن.

مایک مولن جناب لری افغانستان وضیعتی یخشی بولیشدن آلدین اوشبو اولکه ده زوروانلیک لر سانی آشیشی تخمین ایتلماقده دیب ایتگن.

مولن :" حاضر موفقیت لریمیزگه سویه نه دیگن وقت ایمس بلکه قولگه کیریتگن یوتوق لریمیز نی ایککی برابر قیلیشگه اینتی لیشیمیز کیره ک ." دیب ایتگن.

2010 ییلده افغانستان یوقاری سانده گی زوروانلیک لر بیلن یوزمه یوز بولگن ایدی بو زوروانلیک لرده ناتو کوچلری نینگ ییتی یوز حربی کوچ لری هلاک بولگن.

اوشبو ییلده افغان ملی اردو سی همده عادی اهالی نینگ اولیمی خارجی لر بیرگن تلفات سانیدن یوقاری بولگن لیگی ایتلگن.

شوندی بیر وقتده افغانستان طالب لر بیلن مذاکره ایتیش گه حرکت قیلگن، بو یول بیلن افغانستان حکومتی طالب لر رهبر لریگه امتیاز بیریش بیلن اوشبو اولکه ده گی اوریش لر و زوروانلیک لرگه یکون بیریشگه حرکت قیلماقده .

بو اورینیش لر حاضرگه قدر قندی بیر نتیجه بیرگنی یوق چونکه طالب لر افغانستان حکومتی بیلن مذاکره ایتیشنی فقط گینه برچه خارجی کوچلر اوشبو اولکه نی ترک ایتگنده گینه حاضر بولیش لری شرطی نی قویگن.