قلاب کارلیک قیلگن نامزدلر محاکمه گه تارتیله دی

افغانستان باش قاره لاوچی سی محمد اسحق الکو گه کوره غالب دیب تاپیلگن بعضی بیر پارلمان نامزدلری نماینده لر کینگاشی آچیلیشی دن سونگ هم مخصوص محکمه نتیجه لری اساسیده عیب دار بولیب چیقسه اونده اولر نینگ وکالت لری بیکار ایتی له دی .

الکو جناب لریگه کوره مخصوص محکمه موفق نامزد لر نینگ برچه دوسیه لرینی قیسقه وقت ایچیده کوریب تیزده حکم چیقاریشیگه ایشانچ بیلدیر میدی .الکو جنابلریگه کوره تورت مینگ حجت نی تیکشیریب چیقیش انچه وقت نی اوز ایچیگه آله دی.

شوندی بیر حالتده ایسه جمهور رییس حامد کرزی کیله جک بیر هفته ایچیده نماینده لر کینگاشی آچیب بیریش نی ایتگن.

افغانستان پارلمان سیلاو ی ده موفق دیب تانیلگن نامزد لر گه اوقو کورسی یولگه قوییلگن و کیله جک بیر هفته دن سونگ اولر نماینده لر کینگاشی اوریندیق لریگه باریب اولتیره دی لر .

شوندی بیر حالتده ایسه 200 دن آرتیق موفق نامزد لر قلاب کارلیک ده عیب لنگن لیک لری خصوصیده گی حجت لر مخصوص محکمه تمانیدن تیکشیریلماقده . حاضرگه قدر اولر نینگ هیچ قیسی بیری خصو صیده انبق قرار صادر ایتلمه گن.

بوندن الدین افغانستان باش قاره لاوچیسی اوشبو اولکه جمهور ریسی حامد کرزی دن مخصوص محکمه نینگ نتیجه لری اعلان بولمه گونگه قدر نماینده لر کینگاشینی آچیب بیرمسلیک نی سوره گن ایدی

افغانستان باش قارلاوچی مقام لری اگر نماینده لر کینگاشی آچیلیب بیریلسه اونده قلاب کارلیکده عیب لنگن همده جنایت چی دیب تاپیلگن شخص لر نماینده لر کینگاشی نینگ مصونیتی نی قولگه کیری ته دی لر بوندی بیر حالتده عدلی همده قضایی ارگان لر قیینچی لیک لر بیلن یوز مه یوز بوله دی دیب ایتگن ایدی .

ایندی بولسه افغانستان باش قاره لاوچی سی محمد اسحق الکو گه کوره نماینده لر کینگاشی آچیلیگنی دن سونگ هم جنایت چی دیب تاپیلگن موفق نامزد لر نینگ رای لری بیکار ایتی له دی و اولر بیلن قانونی یانداشیله دی .

شوندی بیر حالتده الکو جنابلری مخصوص محکمه نینگ نتیجه لری تیز آره ده اعلان بولیشی خصوصیده ایشانچ بیلدیر مه گن .الکو جناب لری گه کوره قلاب کارلیکده عیبلنه یاتگن موفق نامزدلر گه تیگیشلی بولگن تورت مینگ دن آرتیق حجت نی کوریب چیقیب بو حقده قرار چیقاریش آسان ایش ایمس و بو انچه وقتنی آله دی .

افغانستن باش قاره لاوچیسی گه کوره 250 دن آرتیق شکایت لر پارلمان سیلاولریده یولگه قوییلگن لیگی شو جمله دن 19 مورد ایسه سیلاو کمیسیونی همده دولت نینگ عالی مقام لریگه تیگیشلی بولگن حجت لر مخصوص محکمه گه یوباریلگن بو ایسه سیلاو نتیجه سیده تاثیر کورسه تی شی ممکن.

شوندی بیر حالتده افغانستان جمهور ریسی حامد کرزی کیله جک بیر هفته ده ینگی پارلمان نی آچیب بیریشی کوزده توتیلگن.

عین حالده تناون کابل همده پکتیا ولایت لریدن بیر قطار ناراض نامزد لر ییغیلیشیب سنبله آیی نینگ 27 سیده بولیب اوتگن سیلاو شفاف بولمه گنی و نتیجه لر بیکار ایتی لیشینی سورب چیقگن ایدی لر.