افغانلرنینگ کیمه سی یونانده هلاکتگه اوچره دی

Image caption اروپا مملکت لریگه اوتیش اوچون مینگلب افغانلر یونان ده حیات کیچریب کیلماقده

یونان نینگ "کورفیو" آرالیده بیر کیمه نینگ چوکیب کیتیشی آرتیدن قاچقین بولگن لیگی ایشانیله یاتکن 22 کیشی بی درک یوقالگن.

یوقالگن شخص لرنی تاپیش اوچون قیدیروو عملیاتی یولگه قوییلگن. اوشبوکیمه ده ایککی یوز آلتمشدن آرتیق راق یولاوچی نینگ بولگنی ایتله دی.

اولر دن اکثریتی قوتقریلگن. یونان عادتده اروپا گه کیله یاتکن اکثریت ناقانونی مهاجرلرنینگ اساسی یولی سنه له دی.

هلاکتگه اوچره گن کیمه نینگ یانیدن اوته یاتگن هالند لیک یوک کیمه باشقروچی سی نینگ ایتیشچه یمان آب هوا طفیلی پارچه لنگن کیمه دن 241 کیشینی قوتقریشگه موفق بولگن.

بیراق حاضرگه قدر 22 نفرنینگ بی درک یوقالگنی ایتله دی.یونان لیک دینگیز چیگره چیلری اوچاق، تیک اوچر و بیش کیمه بیلن قیدیرووعملیاتنی باشلتگن .

چیگره چی لر، یولاوچی لری ناقانونی مهاجرلردن عبارت بولگن کیمه نینگ پارچه لنیشی دن شنبه کون کیچقرون آگاه بولگنلر.

بیراق یمان آب هوا طفیلی قیدیروو عملیاتنی یرتچه راق باشله تیشگه قادر بولمه گن.

یونان رسمی لرنینگ معلوم قیلیشچه ، قوتقریلگن مهاجر لر وضعیتی یخشی و اولرنینگ همه سی افغانستان لیک لردن عبارت بولگن .

ایتلیشچه کیمه ایتالیا گه قرب باره یاتگن پیتی هلاکتگه اوچره گن .

یونان،ناقانونی مهاجر لرنینگ اروپا مملکت لریگه اوتیش اوچون اساسی یول سنه له دی .

اکثریت مهاجرلر ، ترکیه و یونان آره سیده موجود بولگن قروق لیک آرقه لی چیگره نی کیسیب اوتهدی.

اروپا اتفاقی اوتکن ییلی یونان نینگ طلبی اساسیده چیگره لرنی نظارت قیلیش اوچون قوشیمچه چیگره چی لرنی یوبارگندی .

اروپا چیگره لربویچه اداره سی مسئوللرنینگ ایتیشچه، عمومی حساب کتابلرگه کوره اروپا گه اوته یاتکن ناقانونی مهاجر لر رقمی پسیگن.

بیراق اوتکن ییل نینگ بیرینچی آی لریده ترکیه و یونان نینگ قروق لیک چیگره سی ارقه لی ناقانونی روشده اوته یاتکن مهاجر لر سانی جدی بیرشکلده کوپیگن.