افغان تاجرلری ایران بیلن تجارتی علاقه لرنی کیسیشدیلر

Image caption ایران هر ییلی یوباره یاتگن مال لریدن کوپ گینه مفاد قولگه کیلتیره دی

افغان تاجرلر بیر لشمه لری بوگون ایران بیلن تجارتی آلیش بیریش نی کیسیلیشی دن خبر بیردیلر. افغانستان سودا و صنعت لر اتاقی نینگ رسمیلری گه کوره ، ایران تمانیدن توخته تیلیب قالگن 15 یوز یاقیلغی ماده لر موتر لری نینگ قوییب یاریلمس لیگی اوچون اوشبو تصمیم نی آلگن لر. اوشبو اداره رسمیلری نینگ ایتیشیچه ، ایران بیلن تجارتی علاقه لری نینگ کیسیلیشی بوتون افغان تاجرلری تمانیدن تصمیم آلینگن. سودا و صنعت لر اتاقی نینگ رییسی قربان حقجو گه کوره ، ایران اولکه سی بیلن تجارتی علاقه لرنینگ کیسیلیشی ، افغان صنعتی اوز ایاغیگه تاخته یشگه سبب بولیشی ممکن. ایران تمانیدن توخته تیلیب قالگن قریب 16 یوز یاقیلغی ماده لر موترلری ، اوشبو ماده لر نرخی افغانستان بازار لریده آشیب کیتگن. اوشبو مسئله اوچون اوتگن نیچه کون دن بیری افغانستان لیک لر ایریم ولایت لرده ایران گه قرشی ناراضیلیک نمایش لر یولگه قوییب ، بو مملکت تمانیدن توخته تیلیب قالگن یاقیلغی ماده لرنینگ قوییب یویاریلشی نی طلب ایتدی لر . باشقه تماندن افغانستان سودا و صنعت لر اتاقی هم ایران ، اگرده اوشبو یاقیلغی ماده لرنینگ بیر هفته گه چه افغانستانده جونتمسه ، تجارتی علاقه لری نینگ کیسی شی دن آگاه لنتیر گن ایدی. خود شو مسئله بوگون افغان تاجر لری تمانیدن رسمی شکلده اعلام بولدی. افغانستان سودا و صنعت لر اتاقی نینگ باشلیغ لری ، ایران بیلن تجارتی رابطه لرنی کیسیشی افغان تاجر لر بیرگه لیکگه اوشبو تصمیم نی آلگن لیگی دن خبر بیردیلر. افغانستان تاجر لری نینگ آلگن اوشبو تصمیم لریگه قرگنده ، ایران 2002 نچی میلادی ییلدن حاضر گه چه یوز ملیون دالر دن توتیب تا 900 یوز میلون دالر افغانستان گه مال یوباریشی دن قولگه کیلتیرر ایدی. عین زمان ده افغانستان ایسه ، هر ییلی 50 میلون دالر قولگه کیلتیرر ایدی. مملکت سودا و صنعت لر اتاقی نینگ باشلیغ لریگه کوره ، افغانستان نینگ 120 شرکتی ایران نینگ چهار بهار منطقه سیده روی خطدن اوتگن لر سرمایه یاتقیزوچی اوشبو شرکت لر ایران تمانیدن افغان تاجر لری یاقیلغی ماده لری نینگ توخته تیلیب قالگنی اوچون تجارتی علاقه لری نینگ کیسلیشی دن حمایت بیلدیرگن لر. افغانستان سودا و صنعت لر اتاقی نینگ رییسی قربان حقجو ایسه ، ایران بیلن تجارتی علاقه لرنینگ کیسیلیشی کیله جکگه افغانستان خیریگه تمام بولیشی نی معلوم قیلدی. حقجو جنابلری گه کوره ، افغانستان ایران دن کیله یاتگن مال لرنینگ 90 فایزینی ایشلب چیقره آله دی. اگرده افغانستان نینگ اوشبو صنعت لری روجلنیب همده تشویق ایتیلسه افغانستان خود کفالیکگه ایتیشه دی. بو حالتده قرگنده ، ایران حکومتی افغانستانگه کیله یاتگن یاقیلغی ماده لر نینگ تاخته تیب قویشیگه سبب افغانستان ده گی ناتو کوچ لری بو یاقیلغی لر دن ایش آله یاتگنینی ایتگن. اما افغانستان دولتی بو ماده لر نینگ آلیب کیلیشدن مقصد ایچکی بازار لریده ترقه تیش دیب تاکید قیلیب کیلماقده. مملکتده اوشبو معما چیقیشی دن کیین ، افغانستان دولتی اولکه ده یاقیلغی ماده لری کمچیلیگی نی اورته دن ایلتیش اوچون اونلب تن یاقیلغی ماده لرینی روسیه همده اورته آسیا مملکت لریدن سا تیب آلیشینی اعلام قیلدی. شو نینگ دیک بیر قنچه ایش بیلرمان لر ایسه افغانستان جمهور رییسی حامد کرزی ، بوندن آلدین راق نیچه مرته ایران اونینگ دفتری خرجتی اوچون نقد پول یاردم بیریشی دن مختب کیلیشی سببلی ، مملکتده یاقیلغی ماده لرنینگ معما لری کوپه یگن بولسه ده هم حاضر گه قدر هیچ قنده ی عکس العمل کورسه تمه گن. افغان تاجرلری ایران بیلن تجارتی علاقه لری نینگ کیسشی کیله جکگه هر ایککله مملکت آره سیده گی مناسبت لری نیمه بولیشی زمان اوتیشی بیلن انیق لنیشی کوتیله دی.