ینگی پارلمان آچیلیشیگه تیارگرلیک لر

افغانستان پارلمان سیلاویده غالب بولگن نامزد لر نی پارلمان مسولیتی لری بیلن تانیشتیریش مقصدیده بیش کون لیک اوقو کورسی پایتخت کابلده یولگه قوییلگن.

شوندی بیر حالتده پارلمان سیلاو لریده موفق بولمه گن بیر قطار ناراض نامزد لر بولسه ییغیلیشیب جمهور ریس همده شکایت لر گه ایتیشیش مقصدیده یولگه قوییلگن مخصوص محکمه دن سیلاو نتیجه سی نی بیکار ایتیش نی ایستب چیققن لر.

عین حالده پکتیا ولایتی مرکزیده بیر قطار نامزد لر ناراضی لیک نمایش لرینی یولگه قوییب کابل همده گردیز نی بیرلشتیروچی شاه یول نی بیر نیچه ساعت گه یاپیب قویگن .

افغانستان جمهور ریسی حامد کرزی بوندن بیر نیچه هفته آلدین دلو آیی نینگ باشلریده ینگی پارلمان نی آچیب بیریشینی اعلام ایتگن ایدی .

افغانستان نماینده لر کینگاشی نینگ دارالانشا باشلیغی گه کوره سنبله آیی نینگ 27 سیده یولگه قوییلگن سیلاو ده غالب دیب تاپیلگن نامزد لر گه مخصوص اوقو تیزیمی ایجاد ایتیلگن.

بو بیش کونلیک اوقو کورسیده غالب نامزد لری اوشبو اولکه همده بیر قطار دوست بولگن اولکه لر نینگ پارلمان متخصص لری نظری آستیده اوز مسولیت لرینی قبول قیلیش و اونگه قندی عمل قیلیش تانیشتیریله دی .

افغانستان نماینده لر کینگاشی نینگ باشلیغی غلام حسن بو حقده شوندی دیدی

"پارلمان نینگ اوچته اساسی وظیفه سی قانون نی نظارت ایتیش, حکومت نینگ عمل لری ، و اهالی دن وکالت ایتیش دیر بو ایسه اساسی همده سونگی مقصد صفتیده تعیین ایتیلگن دیر پارلمان منه شو اوچته اصلی ایش اطرافیده برچه بیانات لرینی بیریشگه تیارلنگن"

باشقه بیر تماندن ایسه موفقیت گه ایریشمه گن نامزد لر پایتخت کابلده یغیلیشیب سیلاو نتیجه لری بیکار ایتیلیش نی سورب چیقگن لر.

نارا ض نامزد لر گه کوره سیلاوده تورلی قلابکارلیک لر دن ایش آلینگن و اولر ده بو نی اثبات لاوچی حجت لر موجود دیر.

فاریاب ولایتی نامزد لریدن بیری رحمان اوغلی گه کوره مخصوص محکمه نتیجه سی اعلان بولمه سیدن آلدین پارلمان نی آچیلشی گه تیارکرلیک کورس لرینی یولگه قوییش قانون سیز دیر.

شوندی بیر حالتده گردیز ولایتی ناراض نامزد لر و اولر نینگ طرفدار لری کینگ کولمده ناراضی لیک نمایشینی یولگه قوییب حکومت دن مخصوص محکمه نینگ نتیجه لری اعلان بولمه گونگه قدر پارلمان نی آچیب بیرمس لیک نی ایستب چیقگن لر .

عین حالده افغانستان ده گی ناراض نامزد لر نینگ بیرلشمه سی اعضا لری بیز نینگ ایستکلریمیز گه اهمیت بیریلمس ایکن بیز منه شو کوندن باشلب افغانستان بویلب برچه ولایت لر گه اوز ناراضی لیک حرکت لریمیزنی یولگه قویه میز دیب ایتگن.

شوندی بیر حالتده افغانستان نماینده لر کینگاشی نینگ باشلیغی غلام حسن گه کوره افغانستان حکومتی تمانیدن موفق بولگن نامزد لر گه اوقو تیزیمی نی آرتگه چوزیش خصوصیده هیچ قندی بویروق بیریلمه گن.شوندی ایکن اولر اوز مسولیت لرینی عمل گه آشیره یاتگن لیک لرینی ایتدی .

افغانستان جمهور ریسی حامد کرزی ینگی پارلمان نی جاریی ییل دلو آیی نینگ باشلریده آچیب بیریش نی وعده بیرگن بیراق پارلمان نینگ اوز ایشی نی باشلشیی یوزه سیدن بولگن معما لر اوز جایده قالماقده .و حاضرگه قدر ایجاد ایتیلگن مخصوص محکمه نینگ هم نتیجه سی اعلان ایتیلمه گن.

بوندن الدین افغانستان باش قاره لاو چی سی هم سیلاو نتیجه لری بیکار ایتیلیشی نی ایستب چیققن ایدی بیراق سیلاو مستقل کمیسیونی همده شکایت لر گه ایتیشیش کمیسیونی سیلاو جریان لریکه اره لشیش قانون سیز دیب ایتگن ایدی .

جاری ییل سنبله آیی نینگ 27 سیده بولیب اوتگن سیلاو ده 2500 دن آرتیق کیشی 249 اورین گه ایریشیش اوچون اشتراک ایتگن ایدی.