"خارجی موسسه لر سالیق توله شی کیرک"

افغانستا ن حکومتی واشنگتن نینگ خارجی کوچ لر نی تمویل قیلوچی خارجی موسسه لر گه افغانستان حکومتی تمانیدن سالیق قویلیشی خواطر لرینی اورین سیز دیب اتگن.

مالیه وزیرلیگی گه کوره امریکا قراردادی موسسه لر یدن تشقری برچه موسسه لر تجارت مال لرینی افغانستان گه آلیب کیلر ایکن دولتگه سالق تولشگه مجبور دیر

افغانستان مالیه وزیرلیگی گه کوره بعضی بیر خلقرا موسسه لر همده بیرلشمه لر امریکا قراردادی موسسه لری نامی آستیده اوز تجارت مالریگه سالیق توله مسدن آلیب کیره دی لر .

امریکا قوشمه ایالاتی همده افغانستان آره سیده یولگه قوییلگن کیلیشو گه کوره امریکا عسکر لرینی تمویل قیلیش مقصدیده آلیب کیلینگن برچه مال لر سالیق تولش دن معاف دیر

سونگی پیت ده امریکا قوشمه ایالت لری نینگ بعضی بیر مطبوعات گزارش لریده کیلیشیچه ، امریکا مقام لری اوشبو اولکه کوچ لری گه کیره ک بولگن مال لر نی بیر قنچه قرار دادی موسسه لر آرقه لی افغانستان گه آلیب کیلیشده افغانستان حکومتی تمانیدن سالیق بیلگی لن گنی دن خرسند ایمس لر .

منه شو موسسه لریدن بیر قنچه سی گه کوره افغانستان مالیه وزیرلیگی ، امریکا قرار دادی موسسه لریدن اوشبو اولکه ده گی خارجی کوچ لر نی تمویل قیلیش مقصدیده امریکا دن آلیب کیله یاتگن مال لری همده قیته قوریش پروژه لرنی یولگه قوییشده سالیق تولش نی طلب ایتگن.

بیراق افغانستان ماله وزیرلیگی گه کوره اولر نینگ سونگی تیکشیریش لریده معلوم بولیشیچه بعضی بیر خلقرا موسسه لر تجارت مال لرینی آلیب کیریشده منه شو قرار دادی موسسه لر نامیدن فایده لنیب اوز مال لریگه سالیق توله مس دن الیب کیرگن لر .

افغانستان مالیه وزیرلیگی اورین باسری سید مبین شاه گه کوره بو موسسه لریدن ایریم لر ی سالیق تولش دن معاف بولگن قانون گه کیرمیدی لر و قانون سیز شکلده اوز مال لرینی افغانستان گه الیب کیرگن لر.

"اگر بير قرار دادي شخص ،عين وقت ده تجارتي و سوداگرليک فعاليت بيلن شغل لنسه و اوني بو فعاليتي شرط نامه ده قيد ايتلمگن بولسه اوني سووداگر ليک فعالتي الدي النه دي . سالق دن معاف بولمگن برجه خلق ارا موسسه لر دولت گه سالق تولش گه مجبور دير لر بير قطار موسسه لر ، کلشولرگه خلاف ايرم تجارتي اشيا لرني افغانستان دولتي گه سالق بيرمي مملکت ده اليب کلماقده لر "

افغانستان حکومتی همده امریکا ایالت لری نینگ شرطنامه سی اساسیده افغانستان ده گی خارجی کوچ لرگه کیره ک بولگن هر قندی مال لر نی آلیب کیلیشده خارجی موسسه لر سالیق تولش دن چیت له تیلگن .

امریکا مطبوعاتی ده چیققن گزارش لر گه کوره ، امریکا مدافعه همده تشقی ایش لروزیرلیک لری افغانستان ده گی قرار دادی موسسه لریگه افغانستان دولتی گه هیچ قندی سالیق توله مس لیک لرینی بویورگن

امریکا مقاملری گه کوره اوشبو اولکه نینگ یاردم صفتیده آلیب کیروچی بویوم لریگه سالیق قوییش امریکا همده افغانستان آره سیده امضالنگن شرط نامه گه ضد بیر عمل دیر .

امریکا قوشمه ایالت لری افغانستان ده قیته قوریش پروژه لرینی اوز استراتیژی لری نینگ مهم بولیمی دیب بیله دی .