یوللرنی قوریش اوچون 300 میلیون دلار یاردم

آسیا ترقیات بانکی 300 میلیون دلار دن آرتیق مبلغ نی افغانستان حکومتی گه اوشبو اولکه ده گی یوللر نینگ قوریش ایش لرینی بیتکزیش اوچون یاردم قیلگن.

افغانستان مالیه وزیرلیگی گه کوره ، منه شو یاردم بیلن افغانستان شمال غربی ساحه لریده گی 200 کیلو متر دن آرتیق یول نی کیله جک ایککی ییل ایچیده تیکلش همده اوندن فایده لنیش اوچون تاپشیریلیشی ممکن.

بو حلقوی جاده لر نینگ قوریلیشی نه فقط افغانستان نینگ مهم شهر لرینی باغلیدی بلکه اوشبو اولکه نی مرکزی آسیا ، جنوبی آسیا همده اورته شرق بیلن باغلیدی .

افغانستان ماله وزیرلیگی همده آسیا ترقیات بانکی عمومی رقمی 350 میلیون دلار دن آرتیق بولگن اوچته مهم شرطنامه نی امضا له دی.

بو شرطنامه لر افغانستان ده گی مهم بولگن یول لر همده برق سیستمی نی یخشی لش و قیته قوریش مقصدیده یولگه قویلگن.

اوشبو شرطنامه نینگ عمومی بولیمی 340 میلیون دالر نی اوز ایچیگه آلیب ، افغانستان شمال غربی ، قیصر بالا مرغاب بیلن لاماننی بیر بیریگه بیر لشتیریشده صرف لنه دی. اوشبو حلقوی سرک نینگ 2700 کیلومتری توگلنمی قالگن.

افغانستان مالیه وزیری عمر زاخیلوال گه کوره اوشبو شرطنامه امضا لنیشی همده بو رقم ده گی پول بیلن کیله جک ایککی ییلده یول تیکله نه دی و اوندن ایش آلیش ممکن بوله دی .

آسیا ترقیات بانکی نینگ آسیا بولیمی نی رواج لنتیریش بوییچه عمومی باشلیغی جووان میراندا اوشبو مراسم ده سوزگه چیقیب بو سرمایه یاتقیزیش منطقه ده گی همکارلیک لر نی کوچلنتره دی همده افغانستان نی خرجت قیلوچی بیر اولکه دن ترانزیت قیلوچی اولکه گه ایلنتیره دی دیب ایتدی .

"بو مهم بولگن حلقه ای یول نینگ قالگن 2700 کیلومتری نینگ ایشی توگه سه اشوبو ا ولکه نینگ مهم شهر لرینی بیرلشتیره دی .و بوگون امضا لنگن بو پروژه علاقه لر نی یخشی لش، منطقه ده همکارلیک ، تجارت نینگ رواج لنیشی تیز کیتیشی همده تجارت سالیق لری نینگ کمییشی و کم بغلیک نی کمیتره دی"

اوشبو یاردم آسیا رواج لنتیریش بانکی تمانیدن یول لر نی قیته قوریشده وعده ایتیلگن 450 میلیون دالر گه قوشیمچه دیر

شوندی بیر حالتده بونگه قوشیمچه 13.5 میلیون دالر لیک ایککی قرار داد برق بولیمی خصوصیده افغانستان مالیه وزیرلیگی همده آسیا رواج لنتیریش بانکی آره سیده امضا لندی . بو پول ایسه قول آستیده بولگن 220 کیلوات برق خطینی کینگی تیریشده ایش له تیله دی

اوشبو برق ترماغی نینگ خطی افغانستان همده تاجکستان مملکت لرینی بیر بیریگه بیر لش تیره دی .افغان مقام لریگه کوره 2011 ییل نینگ اورته یریمی ده فایده لنیشگه تاپشیریله دی.