تخارده اویشتریلگن هوای هجومده بیش طالب هلاک بولگن

رسمیلرگه کوره تخار ولایتی نینگ تاجکستان بیلن چیگره داش بولگن خواجه غار ولسواللیگیده ناتوکوچلری تمانیدن اویشتریلگن هوای هجومده کمیده بیش قوراللی طالب هلاک بولگن.

شونینگ دیک تخار ولایتی نینگ ولایت حاکمی عینی هجوم ده ینه بیش طالب نینگ قورال اسلحه سی بیلن تمانیدن حبسگه الینگنینی تصدیق له ب هوای هجومده عادی اهالی گه هیچ قندی تلفات ایتکزیلمه گنینی ایتگن، لیکن خواجه غار ولسواللیگی نینگ حاکمی ملاعمر هوای هجومده عادی اهالیدن بیرکیشی قربان بولگنینی معلوم قیلگن.

هرچند محلی دولت خادملری هلاک بولگن طالبان قوراللی لری حقیده آرتیقچه معلومات بیرمه گن ،بیراق اولردن ایکته سینی طالبان نینگ مهم نفرلریدن ایکنینی ایتگن لر.

طالبان گروهی حاضرگه چه بوخصوصده هیچ قندی مناسبت بیلدیرمه گن.

خواجه غار ولسواللیگی نینگ بعضی بیر حدودلریده طالبان گروهی نینگ انچه فعال بولگنی ایتیلیب کیلگن، باشقه تماندن عینی تومنده خارجی عصیانچیلر اینیقسه اوزبیکستان اسلامی حرکت اعضالری نینگ موجود لیگی تاکیدلنماقده.

شونینگ دیک محلدن کیلگن خبرگه کوره هوای هجوم یولگه قویلمسدن الدین بیرقنچه اربکی و پلیس کوچلری خواجه غار تومنیده باریب جایلشگن ایکن لر، همده رسمیلر اوشبو تومنده عصیانچیلرنی تازه لش اوچون یقینده حربی عملیات یولگه قویلیشی ممکن لیگینی ایتگن لر.