افغانستان ینگی پارلمانی رسمی شکلده آچیلدی

Image caption افغانستان ینگی پارلمانی نیچه هفته لیک جنجل لردن کیین جمهور رییس کرزی تمانیدن آچیلدی

افغانستان جمهور رییسی حامد بوگون توشدن آلدین ممکلت ینگی پارلمانی نینگ رسمی شکلده آچدی.

جمهور رییس کرزی ، سوز لری باشیده ، سیلاولر جریانیده یولگه قوییلگن اره لشیش لردن انتقاد قیلیب ، افغانلر گه یمان اویقی لر نینگ حقیقتده اوزگرتیریش خارجی حرکت لرنینگ اورته دن ایلتیشینی افغان لردن ایسته دی.

افغانستان ینگی پارلمانی نینگ آچیلیشی همده سیلاولر نینگ نهایی نتیجه سی خصوصیده اوتگن نیچه هفته ده ، کوپ گینه جنجل لر یوزه گه چیقیب ، بالاخره بوگون آچیلدی اما شونده ی بولسه هم مخصوص محکمه ایسه ، سیلاولر نینگ جرمی مسئله لری نی تیکشیریلیشی اوچون ایشینی دوام بیرماقده.

افغانستان جمهور رییسی حامد کرزی اوشبو مراسم نینگ بیرینچی سوزچیسی صفتیده ، اوتگن اون ییل جریانیده ، مملکت باش قانونی بیلن قوشیمچه ، اوتگن جمهور لیک ریاستی همده پارلمان سیلاولری نی افغانستان دولتی نینگ اینگ کتته یوتوق لریدن دیدی.

کرزی جنابلری سوز لری جریانیده ، افغانستان پارلمانی سیلاولری نینگ کوپ گینه جنجل لر همده اره لشیش عمل لری بیلن یوزمه یوز بولگنی نی ایتدی . هرچند کرزی جنابلری انیق شکلده هیچ بیر کوچ گروه ویا مملکت دن اوشبو جنجل لر یوزه گه چیقیشی خصوصیده آت توتمه دی اما اوشبو حرکت لر قرشی سیده حساس بولیب حرکت قیلیش اوستیگه تاکید قیلدی.

شو نینگ دیک کرزی جنابلری ، دولت دار چیلیک نینگ بوتون ایشلری بیلن قوشیمچه ، سیلاولر نینگ افغان لر قولیگه توشیشی اوستیگه تاکید قیلدی.

"بیرلشگن ملت لر تشکیلاتی کوره اوتگن پارلمانی سیلاولرده 140 ملیون دالر صرفلندی. شو اساسدن ، دنیا نینگ کم بغل اولکه لریدن بیری ، دنیا نینگ اینگ کوپ خرجت بولگن سیلاولری نی اوتکزگن. بو باره ده کوپ گینه سوراق لر موجود. و بیز بو سوراق لرگه جواب قه یتریشی میز کیره ک . عین حالده ، خارجی لر نینگ اره لشیش لری ، مردم سالار لیگی میز همده سیلاولریمیز و باشقه مسئله لریمیز خصوصیده ، توگه تیشیمیز کیره ک."

شونگه قوشیمچه ، کرزی جنابلری ، ملت وکیلر نینگ خطاب قیلیب ، اولر نی بیر قوم ویا بیر ولایت نماینده لری ایمس سیز لربلکه افغانستان خلقی نینگ نماینده لری سیز لر دیب ایتدی.

جمهور رییس کرزی ، افغانستان نینگ کیله جک ده گی سعادتی ملت وکیل لر نینگ قولی بیلن رقم اورلیشی نی هم ایتدی.

عین حالده ، جمهور رییس کرزی ، ملت وکیل لردن ملی وحدت نی تامین قیلیشی نی هم طلب قیلدی.

افغانستان جمهور رییسی اوشبو سوز لری دن کیین ، ملت وکیل لری ایشلری نینگ صادقانه شکلده ایلگری ایلتیش اوچون ، قسم یاد ایتدیلر.

افغانستان ینگی پارلمانی ، حکومت ، و غالب بولگن ملت وکیل لر آره سیده گی نیچه هفته لیک جنجل لردن سونگ بیر لشگن ملت لر تشکیلاتی نینگ اورته چیلیگی بیلن آچیلدی.

مملکت ینگی پارلمانی نینگ آچیلیشی گه قرگنده ، کورینیشیچه ، پارلمان جنجل لری حاضر گه قدر بوتونلی حل بولمه گن.

سیلاولر خصوصیده تشکیل ایتیلگن مخصوص محکمه ایسه ، ینگی پارلمان نینگ آچیلیشی اولر نی ایشیگه هیچ قنده ی اوزگریش کیتیرمس لیگیگه تاکید قیلیب ، سیلاولر نینگ جرمی مسئله لری نی تیکشیریلیشی اوچون ایشی دوام تارته دی دیب اورغوله گن.

حال بوکه ، اوشبو مخصوص محکمه نینگ سونگی قراری نیمه بوله دی ، زمان اوتیشی بیلن انیق بولیشی کوتیله دی.