"دشت ارچی تومنی طالبلر نظارتیدن چیقاریلدی"

محلی رسمیلر یولگه قویلگن حربی عملیاتلر نیتتجه سیده عصیانچی لرنینگ منطقه ده کی ته ینچ نقطه سی دیب کورسه تیلگن قندوز ولایتی نینگ دشت ارچی ولسواللگینی طالبلر نظارتیدن چیقاریلگنینی معلوم قیلگن لر.

رسمیلرنی خبرقیلیشلریچه ناتو کوچلری نینگ هوای هجومی ارتیدن حربی عملیات یولگه قویلگن.

هرچند اوشبو عملیات جریانیده قندی بیرجانی تلفات طالبان عصیانچیلرگه ایتکزیلمه گنی ایتلماقده، لیکن دشت ارچی ولسواللگی نینگ حاکمی شیخ سعدی گه کوره طالبان نینگ ته ینچ نقطه سی بولگن ملاقلی دیب اتلگن منطقه قوشیمچه باشقه بیر نیچه قشلاق طالبلردن تازه لنگن ، همده اونلب قوراللی طالبلر لر دولت صفیگه قوشیلیشگه مجبور بولگنلر.

بوندن بیرنیچه آی الدین عینی منطقه ده طالبان عصیانچیلری بیرعیال نی تاش باران قیلگن ایدیلر.

شونینگ دیک دشتی ارچی تومنیده بیرنیچه کیشی نی هم طالبان تمانیدن اولدیریلگنی ادعا قیلینگن ایدی.

عینی حالده رسمیلر طالبان عصیانچی لری نینگ چهاردره دیب اتلگن ولسواللیگده قاچیب کیتیشگن لیک لرینی ایتگن لر. اما طالبان حاضرگه چه بوخصوصده هیچ قندی مناسبت بیلدیرمه گن.

سونگی پیتلرده افغان امنیتی کوچلری شمال شرقی ولایت لرنینگ ایریم تومنلریده عصیانچیلرنی تازه لش اوچون قطار حربی عملیات لرنی یولگه قویگن.

بوندن بیرنیچه کون الدین رسمیلر تخارولایتی نینگ خواجه غار تومنیده یولگه قویلگن حربی عملیات نیتجه سیده اوشبو ولسواللیکنی هم طالبلردن تازه لنگنینی ادعا قیلگندی . همده رسمیلر اوشبو عملیات جریانیده بیر چیت ایللیک قوشیمچه اون تورت عصیانچی هلاک و اوندن ارتیق عصیانچی نینگ توتیلگنینی ایتگن ایدیلر.

تخاررسمیلریگه کوره اولردن ایکته سی اوزبیکستان اسلامی حرکت نینگ اعضاسی بولگن.

خواجه غار ودشت ارچی ولسواللیک لری تاجکستان بیلن چیگره داش بولیب، چیت ایللیک عصیانچی لری نینگ انچه فعال بولگنی ایتیلماقده.