نماینده لر کینگاشی نینگ ریاستی اوچون کمپاین لر

Image copyright BBC World Service
Image caption ینگی پارلمان ، موفق نامزد وکیل لر و حکومت آرسیده گی نیچه هفته لیک جنجل لر دن سونگ جمهور رییس کرزی تمانیدن آچیلدی.

نماینده لر کینگاشی نینگ وقتینچه لیک رییسی محمد سرور عثمانی ، اوشبو کینگاش نینگ دایمی رییسی کیله سی شنبه کونیده سیچیلیشی نی معلوم قیلدی.

عثمانی جنابلری گه کوره ، حاضر گه قدر نماینده لر کینگاشی ریاستی نینگ قولگه کیریتیش اوچون ، محمد یونس قانونی ، عبدالرب رسول سیاف ، حاجی ظاهر ، رمضان بشر دوست ، حفیظ منصور و میرویس یاسینی اوز لری نینگ نامزد قیلگن لر.

اما ، رمضان بشر دوست ایسه ، اگر افغانستان اوریش لریده قولی بولگن انسان لر اوز لرینی کاندید قیلگن بولسه لر اوزی نینگ نامزد لیگدن اوتیشی نی معلوم قیلگن.

افغانستان ینگی نماینده لر کینگاشی ریاستی نینگ قولگه کیلتیریش اوچون ، پارلمان سیلاولری نینگ نهایی نتیجه سی اعلام بولگنی دن حاضر گه قدر ایریم نامزد وکیل لر کمپاین قیلیب یورگنلر.

افغانستان نماینده لر کینگاشی نینگ موقت رییسی گه کوره ، شنبه کونیده دایمی رییسی نینگ سیله نیشی ، اوشبو کینگاش نینگ ایچکی وظیفه لر اصولی اساسیده یولگه قوییله دی.

محمد سرور عثمانی گه کوره ، نماینده لر کینگاشی نینگ ریاستی اوچون محمد یونس قانونی ، عبدالرب رسول سیاف ، حاجی ظاهر ، رمضان بشر دوست ، حفیظ الله منصور ، و میرویس یاسینی اوز لرینی نامزد قیلگن لر.

اوشبو نامزد لر رسمی سیز شکلده اوز لرینی کاندید قیلگن لر. عثمانی جنابلری گه کوره اوشبو نامزد لر کمپاین لری نی باشله گن لر.

باشقه تماندن ، ملت وکیل لردن آصفه شاداب بی بی سی بیلن بولگن صحبتیده ، ممکلت ترک تبار نماینده لری ، اوشبو نامزد قیلگن لر نینگ مشهور راق لری بیلن سوزلشگن لیگی نی ایتدی.

خانم شاداب گه کوره ، اوشبو ترک تبار ملت وکیل لر حاضر گه قدر انیق بیر نامزد نی سیچمه گن لر .

خانم شاداب نینگ ایتیشیچه ، نماینده لر کینگاشی نینگ اداری هیئتیگه قومی ترکیبی نینگ تولدیریش اوچون ، بیرینچی منشی چوکی سیده ، ترک تبار ملت وکیل لردن ، حاجی عبدالروف ابراهیمی نینگ سیله گن لر.

اونگه کوره ، نماینده لر کینگاشی ریاستی نینگ نامزد لری دن هر قه یسی که اوشبو شرط نینگ تایید قیلیب عملی ایتسه اوندن حمایت بیلدیریش لری ممکن.

شونده ی بیر حالده ، رمضان بشر دوست ایسه ، نماینده لر کینگاشی نینگ ریاستی گه اگرده یخشی انسان لر اوز لرینی نامزد قیلگن بولمسه لر اوزی نی نامزد لیگیدن واز کیچیشی نی اورغولگه گن.

نماینده لر کینگاشی توناون جمهور رییس کرزی تمانیدن شونده ی بیرحالده رسمی شکلده آچیلدی که ، اونلب ناراض نامزد وکیل لر ، مخصوص محکمه نینگ نهایی قراری اعلام بولمس دن آلدین ینگی پارلمان نینگ اچیلیشی خصوصیده قرشی لیک بیلدیردیلر.

هرچند موفق بولگن نامزد لر ایچکی ایشلری نینگ شنبه کونی ده رسمی شکلده باشله نیشی دن خبر بیرماقده لر اما شونده ی بولسه هم ، سیلاولر شکایت لریگه ایشیتوچی مخصوص محکمه نینگ ایشی حاضر هم دوام تارتماقده و اوشبو محکمه ، نینگ تیکشیریش نتیجه لری معلوم بولگنی دن کیین ، نماینده لر کینگاشی نینگ ترکیبی خصوصیده گی جنجل لر ینه بیر مرته یوزه گه چیقیشی کوتیلماقده.