افغان و پاکستان کوچلری اره سیده توقنه شوو یوزبیرگن

پاکستان دولت رسمیلرینی معلوم قیلیش لریچه اوتگن اقشام افغان و پاکستان چیگره پلیس کوچلری اره سیده یوزبیرگن توقنه شوده پاکستان لیک بیر عسکر هلاک وباشقه اوچ عسکر یره لنگن.

پاکستان دولتی اوشبو توقنه شو، شمالی وزیرستان نینگ غلام خان دیب اتلگن منطقه سیده یوزبیرگنینی معلوم قیلگن.

شمالی وزیرستان چیگره حدودلرده جایلشیب اکثری منطقه لریده القاعده وطالبان گروهی نینگ فعال بولگنی ایتیله دی.

اوشبو توقنه شوو 2007 میلادی ییلدن بیری افغان و پاکستانی کوچلر اره سیده یوزبیرگن قتیغ توقنه شودیه تعریف لنگن.

یوزبیرگن توقنه شوو حقیده افغان رسمیلری مناسبت بیلدیریب، پاکستان دولتی افغان چیگره پلیس کوچلرینی مسوول دیسه، لیکن افغان دولتی پاکستان چیگره پلیس کوچلرینی اوریش باشله نیشگه عامل دیب کورستماقده.

خوست ولایتیده کی پلیس قوماندان لریدن بیری بوحقده شوندی دیگن " چهارشنبه کونی پاکستان چیگره قوریقچی کوچلری ینگیل واغیر قوراللر بیلن، گربز ولسواللگیده کی پوسته لردن بیریده هجوم قیلدیلر، بیزنینگ کوچلری میز هم اولرگه قره ته اوق اچیشگه مجبور بولدی" دیگن.

شونگه قوشیمچه قیلیب پلیس قوماندانی پاکستان کوچلرینی هجوم قیلیشگه هیچ قندی دلیل بولمه گنینی اورغوله گن.

اونینگ معلوم قیلیشچه افغان کوچلری قندی تلفات کورمه گن دیر.

عکسینچه پاکستان حربیلردن بیری ایریم مطبوعات فعاللریگه واقعه نی باشقه چه اچیق له گن. " افغان چیگره قوریقچی عسکرلری بیزنینگ حربی قرارگاه میزنی راکت اوقی بیلن نشانگه الدیلر، نتیجه ده بیر عسکری میز هلاک و باشقه اوچ عسکر یره لندی" دیگن اوشبو حربی ظابط.

افغان وپاکستان اره سیده کی اوزون چیگره نی نظارت قیلیش اوچون هرایکله دولت اره سیده قرمه قرشی لیکلر الدینلر هم موجود ایدی.