ملی کینگاش نینگ دایمی رییسی ینه هم سیله نمه دی

Image copyright BBC Pashto
Image caption اوشبو مقام نینگ قولگه کیلتیریش اوچون حاضر گه قدر هیچ بیر نامزد موفق بوله آلمه گن.

افغانستان ینگی پارلمانی نینگ دایمی رییسی بوگون هم سیله نمه دی. بوگونکی یولگه قوییلگن ایککینچی سیلاولرده ، صدیق احمد عثمانی و خانم هما سلطانی بیلله شوده کیریب ، ینه بیر مرته اوشبو نامزد لردن هیچ بیری سی ، 50 جمع بیر رأی نی قولگه کیلتیره آلمه دیلر.

شونینگ دیک بوگون کی یولگه قوییلگن سیلاولرده ، جمعاً 9 کیشی اوز لری نینگ ریاست چوکی سینی قولگه کیلتیر ماق اوچون نامزد قیلیب اوشبو نامزد لردن تورت کیشی سی نامزد لیگی دن واز کیچدی لر.

بوگون کی یولگه قوییلگن سیلاولرده ، صدیق احمد عثمانی 94 رأی ، هما سلطانی 48 رأی ، اسحاق گیلانی 41 رأی ، عبیدالله رامین 19 رأی ، و بکتاش سیاوش ، 14 رأی قولگه کیلتیردی.

ملی کینگاشی نینگ بوگونکی یغیلیشیده 245 نماینده قتنه شگن ایدیلر .

اوشبو سیلاولرده 8 رأی باطل بولیب 19 رأی ایسه صندوق لرده طرف سیز شکلده تشلنگن ایدی.

اولوسی جرگه نینگ ریاستی اوچون نامزد قیلگن ، خلیل احمد شهیدزاده ، عبدالحفیظ منصور ، عبداللطیف پدرام ، و شریف کامه وال اوز نامزد لیک لریدن واز کیچدی لر.

اما ایککینچی سیلاولر صدیق الله عثمانی و خانم هما سلطانی آره سیده ساعت ایککی توشدن کیین باشله ندی.

اوشبو سیلاولر نتیجه سیده ، صدیق الله عثمانی 118 رأی بیلن و هما سلطانی 30 رأی بیلن ملی کینگاش نینگ 50 جمع بیر رأی نی قولگه کیلتیریشیگه ینه قادر بوله آلمه دیلر.

عین زمانده اوشبو سیلاولرده 62 رأی آق تشله نیب ، 30 رأی ایسه باطل اعلام بولدی.

ملی کینگاش نینگ وقتینچه لیک رییسی ، محمد سرور عثمانی بودورده گی سیلاولر هم نتیجه سیز قالگنی دن کیین کیله سی شنبه کونی اوشبو معما نینگ قنده ی حل قیلیش مقصدیده ملت وکیل لر بیلن جلسه قیلیشی نی اورغوله دی.

"شنبه کونیده ، بیز و سیز لر یغیلیشیب ، نیچه موضوع اوستیگه صحبتلشه میز ، آیا ایچکی وظیفه لر اصولیده اوزگریش کیلیشی ممکن ، یاکه کمیسیون ده راجع بوله می یا که محکمه ده ارجاع بوله دی ، بو مسئله سیزلرگه رابطه سی بار"

شو نینگ دیک ، ینگی پارلمان نینگ بیرینچی مجلسیده یولگه قوییلگن سیلاولرده ، عبدالرب رسول سیاف ، محمد یونس قانونی ، حاجی عبدالظاهر قدیر ، و میرویس یاسینی ، عالی مجلس نینگ ریاستی گه اوز لری نی نامزد قیلگن ایدی لر. اوشبو سیلاولرده نامزد لردن هیچ بیری سی غالب بوله آلمه ی سیاف همده قانونی جنابلری ایککینچی سیلاولرده قتنه شدیلر.

اوشبو سیلاولرده هم نامزد لردن هیچ بیری سی 123 رأی قولگه کیلتیره آلمه دیلر.

ملی کینگاش نینگ ایچکی وظیفه لر اصولی اساسیده ، اگرده ریاست نی قولگه کیلتیریش اوچون نامزد کیشی لر ایککی سیلاولرده هم 50 جمع بیر رأی نی قولگه کیلتیره آلمه سه لر ، ینگی سیلاولرده قتنه شه آلمه یدیلر.

بو حالتده قرگنده ، اوتگن بیش کون دن بیری ملی کینگاش اعضا لری ، دایمی رییس لری نینگ سیله نیشی گه قادر بوله آلمه گن لر.

ایندی ایسه اوشبو جنجل کینگه ییب کیتگن لیگی کورینماقده . ملی کینگاش نینگ کیلسه سی شنبه کونیده گی یغیلیشی هم بیلی ایمس کیم ینگی سیلاولر یولگه قوییله دی ویا ایچکی ایشلر وظیفه لریده اوزگریش کیلیشه دی.

هر حالده اوشبو موضوع لر نینگ عملی بولیشی اوچون ، نماینده لرنینگ اوچ حصه دن ایککی حصه سی نینگ تایید آوازی کیره ک.