کرزی امریکالیکلر نینگ دائمی قرارگاه قوریش نیتلریدن خبر بیردی.

حامد کرزی
Image caption جناب کرزی هر قندهی دائمی قرارگاه قوریش قراری افغانستان ملی منفعتلر اساسیده بولیشینی تاکید له دی

افغانستان جمهور رئیسی حامد کرزی امریکا لیک رسمیلر افغانستان ده دائمی قرارگاه قوریشگه مایل ایکنلیکلرینی تن آلگن. اما جناب کرزی ، بو خصوصده هر قنده ی قرار، ملی منفعتلر اساسیده بولیشینی تاکید له گن.

افغانستان ده دائی قرارگاه قوریش ریجه سی بیرنیچی بار امریکا لیک جمهوریتچی سناتور تمانیدن ایلگری سوریلدی، اما اوشبو ریجه بیرنچی افغانستان حکومتی و کیینچه لیک امریکا نینگ افغانستان بوییچه مؤقت مخصوص وکیلی تمانیدن رد ایتلگن ایدی.

ریچاد هالبروک اولیمیدن کیین ، موقت شکلده امریکا نینگ افغانستان و پاکستان بوییچه مخصوص وکیلی صفتیده تعیین ایتلگن مخصوص وکیلی فرانک روژیرو بوندن الدین ژورنالیست لرگه :امریکا و افغانستان اوزاق مدتلی همکارلیکلر گه احتیاجلری بار اما "امریکا افغانستانده دائمی قرارگاه قوریش نیتی یوق"دیب ایئتگن ایدی.

اما مونیخده کی ییغیندن قیتگن افغانستان جمهور رئیسی حامد کرزی ،هر ایککی دولت نینگ "استاتیژیک بیتیم ایجاد ایتیش " خصوصیده صحبتلشگن لیگینی معلوم قیلدی.

جناب کرزی نینگ ائیتیشیچه : گامریکالیک سناتورلر نینگ مطوبعات گه معلوم قیلگنلریدن و امریکا لیک رسمیلر نینگ صحبتلریدن (توشینیله دی کی ) اولر بونده ی بیر آرزو لری بار و بیز بو خصوصده الور بیلن ملاقاتده میز ."

جناب کرزی " البته بو صحبت لر نینگ دوامی ، بوتون معنا ده افغان لر تمانیدن و افغانستان ملی منفعت لری اساسیده بوله جک و افغانستان ملی مرجعلری شو جمله دن ملی کینگاشی و ملی قورولتای (جرگه) بو خصوصده فیصله قیله دیلر." دیب ایئتگن.

امریکا ننیگ افغانستانده دائمی قرارگاه قوریش ریجه سی ، ناتو گه اعضا برچه ممکلت لر شو جمله دن قوشمه ایالتلر 2014 نچی ییلگه چه اوز کوچلرینی افغانستان دن چیقاریشینی ریجه لشتیرگن ده ینگره ماقده .

افغانستان رسمیلری ، خوفسیزلیک مسئولیتنی افغانلر گه تاپشیریش منطقه ده کی قرشیلیکلرنی کمه یتیره دی و اوزاق مدتده افغانستان ده کی امنیت گه فایده له بولیشینی اورغو له ماقده لر .

ولایت قیته قوریش گروهلر یاپیله دی

افغانستان جمهور رئیسی حامد کرزی حامد کرزی گه کوره ، مملکت گه کیله یاتگن ایریم غرب یاردم تشکیلات لری افغانستان ننیگ اوز باشقروو موسسه لری گه ضرر ایتکیزماقده . جمهور رئیس کرزی نینگ ائیتیشیچه ، ، مثلاً، محلی اقتصاد گه پول کیریتیب اوقو یورتلری و یوللر قوره یاتگن ولایتلرنی قیته تیکلش گروه لری خودی حکومت دیک ایش توتیبتدیلر. و اوتیش دوری توگه شی بیلن اولر چیقیب کیتیشی کیرک .

جناب کرزی گه کوره ولایت قیته قوروش گروه لری (پی آر تی ) بقرارگاه لری بیردن یاپیمیدی. بلکه اولر زمان اوتیشی بیلن و افغانستانلیک کوچلر خوفسیزلیک مسئولیتینی الگنی بیلن اولر کیتیشی لازم .

ولایت قیته قوریش گروه لر خلق ارار منبع لردن کیله یاتکن پوللر نی محلی اقتصادگه کیریته دیلر. اولر مکتب و یوللر قوریب وباشقه ترقیات ریجه لرینی عملگه اشیره دیلر. ناتو کوچلری ایسه اوشبو فعالیتلر بیلن اهالینی طالبلردن یوز اوگیریب اوزلریگه کونیکتیریشگه قادر بوله دیلر دیب امید قیلماقده لر .