قندهار ده 19 پلیس هلاک بولدی

Image copyright Reuters
Image caption هجوم قندهار ولایتی مرکزیده جایلشگن پلیس قوماندان لیگیگه قرشی اویشتیرلگن

طالبان عصیانکارلری قندهار ولایتی نینگ پلیس کوچلر اداره سیگه هجوم قیلگن.

ولایت رسمی لریگه کوره حادثه ده 19 پلیس هلاک بولگن .

انتحاری بمب ، راکت و قورال بیلن قوراللنگن عصیانکارلر توش پیتی شهر مرکزیده جایلشگن پلیس قوماندان لیگیگه هجوم قیلشگن.

پارتلشلر منطقه نی لرزه گه سالگن و پلیس کوچلری بیرنیچه ساعت عصیانکارلر بیلن توقنه شگن.

حادثه ده اونلب نفر هم یره لنگن.

"15 کیشی هلاک و 50 یره لنگن ، یره لنگن لرنینگ بعضی لر یمان احوالده،"دیب ایتدی قندهار ولایت حاکمی توریالی ویسا.

اونگه کوره هلاک بولگن لرنینگ برچه سی پلیس خادم لری بولگن.

طالبان سوزچی سی یوسف احمدی گه کوره هجوم اونینگ گروه تمانیدن عملگه آشیرلگن.

حادثه پلیس کوچلری قوماندان لیگی یقینیده بیرنیچه پارتلش نینگ روی بیرشی بیلن باشلنگن.

خبرلرگه کوره پارتلش لردن بیری موتر بمب پارتلشی و باشقه ایککی سه ایسه خودکش بمب هجوم بولیشی ممکن .

کیینچه لیک ،پارتلاوچی ماده لرجایلشتیرلگن جلیقه لرنی کییب آلگن بیرنیچه عصیانچی ، پلیس قوماندان لیگی مقابلیده جایلشگن تؤی سالوننی اشغال قیلیب پلیس قوماندان لیگیگه قره ته اوق آتیشگه باشله گنلر.

هجومچی لرآره سیده تریک قالگن لر خصوصده هیچ قندی بیر خبر یوق.

اوروش بیرنیچه ساعتدن سونگ نهایه تابگن.