نماینده لر کینگاشی نینگ تورتینچی سیلاوو هم نتیجه سیز قالدی

Image copyright BBC Pashto

نماینده لر کینگاش ریسنی سیلش اوچون یولگه قویلگن تورتینچی سیلاوده نامزد لر اره سیده اینگ کوپ رای الگن کیشی لر دن بیری هم موفقیت گه ایرشمه گن

بوگون گی سیلاوده خانم شکریه بارکزی و داود کلکانی بیلله شوگه کیریب مذکور شخص لردن هیچ بیری 50بوتون اوندن بیر فایز رأی نی قولگه کیلتیره آلمه دیلر.

ملی کینگاش نینگ بوگون گی یغینی ده 249 ملت وکیلی دن 227 ملت وکیلی حصصه قوشگن ایدی.

بوگون گی یولگه قوییلگن سیلاولرده خانم شکریه بارکزی 56 رأی و داود کلکانی 91 رأی قولگه کیرتیشگه موفق بولدیلر .

شو نینگ دیک صندوقلرده کی اواز بیریش روقه لرنینگ ییللیک ته سی بوم بوش بولگن 26 ته سی هم ابطال قیلینگن.

تورتینچی دور سیلاو نینگ نیتجه سیزقالیشی ایسه تورلی خیل قرمه قرشی فکر لرنی توغدیردی

بیرقنچه ملت وکیللر ایچکی وظیفه لر اصولیگه اوزگریش کیلیشیگه تاکید قیلدیلر اما بیر قنچه سی ایسه اوشبو فکرنی رد قیلیب ،ملی کینگاش باشلیغینی سیلیش اوچون بولیب اوته دیگن سیلاوده شفاف رای بیریش تکلیفینی ایلگری سوردیلر

حاضر گه قدر تورت مرته ملی کینگاش تمانیدن ، مذکور کینگاش نینگ دایمی رییسی نینگ سیله ش اوچون سیلاولر یولگه قوییلدی لیکن سیلاولردن هیچ بیریسی انیق بیر نتیجه قولگه کیلتیرمه دی.

ملی کنیگاش نینگ وقتینچه لیک رییسی محمد سرور عثمانی ، پارلمان سیلاولری نینگ قلاب کارلیک مسئله لریگه ایشیتوچی مخصوص محکمه تمانیدن اوشبو جرگه ده 83 ملت وکیل نینگ احضار قیلینگنینی ایریم مطبوعات فعاللریگه ایتگن. .

اوشبو خبر بوگون مملکت محلی مطبوعاتیده ترقه تیلدی. شونینگ دیک افغانستان ملی کینگاشی ایسه اکثریت رای بیلن مخصوص محکمه نینگ بیکار قیلینیشگه قرار آلگن.

اما باشقه تماندن مخصوص محکمه نینگ رییسی صدیق الله حقیق بوگون توشدن کیین بی بی سی بیلن بولگن صحبتیده 83 ملت وکیل نینگ اوشبو محکمه تمانیدن احضار ایتیلگن دیگن خبرنی بوتون لی رد قیلدی

شونینگ دیک حقیق جنابلری ، محکمه نینگ ایشینی دوام تارتیشیگه اورغوبیردی .

افغانستان جمهورریسی حامدکرزی سیلاوده یوزبیرگن قلاب کارلیک لرنی کوریب چیقیش اوچون مخصوص محکمه ایشینی دوام تارتیشنی ایتگن ایدی بیراق پارلمان نینگ حاضرگی قراری خصوصیده جمهورریس کرزی هیچ قندی مناسبت بیلدیرگنی یوق