کمیسیونده کی رایلرنی سنش اصلی مرکز مهرلنگن

مستقل سیلاولر کمیسیون نینگ مسووللریگه کوره مخصوص محکمه رهبرلری پلیس خادملری بیلن بیرگه اوشبو مرکزده ایزین سیز کیریب رایلرنی سنش مرکزینی مهره گن.

عینی حالده اوشبو مرکزده کی رای صندوقلری هم سیلاو نتیجه لرینی کوریب چقیشی خصوصیده ایجاد ایتیلگن محکمه قاضی لری تمانیدن مهر قیلینگنی ایتیلگن،

مخصوص محکمه مسووللری بی بی سی بیلن بولگن صحبتیده بعضی بیر رای مرکزلرینی اولر تمانیدن مهرلنگنینی تن الیشگن.

محکمه باشلیغی صدیق الله حقیق نی بی بی سی گه ایتشیچه اوشبو محکمه بویوروغینی بعضی بیرولایت لرده عملی بولگنینی معلوم قیلیب، شبهه لی رای مرکزلری بویوروغ اساسیده مهر قیلینگنینی ایتگن.

اوشبواداره بوندن آلدین آلیب باریلگن تدقیقات نتیجه سیده شبهه لی دیب بیلینگن رای مرکزلرینی مهر قیلنیشدن خبربیرگندی.

افغانستان ایچکی ایشلر وزیرلیگی بیربیانات ترقه تیب کابل پلیس کوچلرینی اوشبو عملیات ده حصصه قوشمه گنینی ایتگن.

بوندن بیرکون آلدین افغانستان ملی کینگاشی نینگ اکثریت وکیللری محکمه نی غیرقانونی دیب اونینگ بیکارقیلینیشگه قرارآلگندی، همده مستقل سیلاولر کمیسیونی هم محکمه گه قرشی لیک بیلدریب کیلگن.

شونینگ دیک ملی کینگاشی نینگ وقیتینچه لیک ریسی شکایت لرنی ایشتوچی مخصوص محکمه قلاب کارلیک عیبلاو بیلن سکسن اوچ کیشی نینگ ملی کینگاشیدن چیقاریش نیتیده ایکنینی ایتگندی.